Túngi ýaqytta qatty shý shyǵaryp, turǵyndardyń tynyshtyǵyn buzatyn avtomobilder men mototsiklder máselesi Úkimet otyrysynda kóterildi, dep habarlaidy ult.kz.
Jol qaýipsizdigi máselesi qaralǵan jiynda Premer-ministr Oljas Bektenov Ishki ister ministri Erjan Sádenovten qatty shý shyǵaratyn kólik júrgizýshilerine qatysty qandai sharalar qabyldanyp jatqanyn surady.
«Qatty shýyldaityn moto jáne avtokólik máselesin birneshe ret talqyladyq. Olarǵa óte qatań sharalar qabyldaý qajet. Áitpese túnniń ortasynda adamdardyń mazasyn alyp, uiqy bermei jatyr», – dedi Oljas Bektenov.
Ishki ister ministriniń aitýynsha, politsiia mundai quqyq buzýshylyqtardy táýlik boiy anyqtap jatyr. Bul jumysta beinebaqylaý kameralary men basqa da tsifrlyq tehnologiialar qoldanylady. Sonymen qatar turǵyndar mundai jaǵdailar týraly 102 nómirine habarlaidy.
Jyl basynan beri 782 derek tirkelgen. Barlyq quqyq buzýshy ákimshilik jaýapkershilikke tartylǵan. Onyń ishinde 55 adam ákimshilik qamaýǵa alynǵan.
Quqyq buzýshylyqqa qatysy bar avtokólikter men mototsiklder aiyppul turaǵyna jetkiziledi.
Erjan Sádenov bul baǵyttaǵy jumystardy odan ári kúsheitý josparlanyp otyrǵanyn aitty.
Premer-ministr tiisti jumystardy kúsheitýdi tapsyrdy.
