اقش پرەزيدەنتٸ دونالد ترامپ رەسەي ٷكٸمەتٸ "باسىپ الىنعان قىرىمدى قايتارىپ بەرٸپ, ۋكراينانىڭ شىعىسىندا قانتٶگٸستٸ دوعارۋى كەرەك" دەپ ەسەپتەيدٸ.
بۇل تۋرالى اق ٷيدٸڭ باسپاسٶز حاتشىسى شون سپايسەر مەلٸمدەدٸ. ونىڭ ايتۋىنشا, ترامپ مەسكەۋگە قاتىستى "ٶتە قاتاڭ ساياسات ۇستانادى". دەي تۇرعانمەن, سپايسەردٸڭ ايتۋىنشا, "ترامپ رەسەيمەن قارىم-قاتىناستى جاقسارتۋعا بولاتىنىنا سەنٸمدٸ".
باسپاسٶز حاتشىسى مەسكەۋگە قاتىستى ساياساتتىڭ جۇمسارۋىنان سەسكەنگەندەرگە وسىلاي دەپ جاۋاپ بەردٸ.
اقش-تىڭ جاڭا قارجى مينيسترٸ ستيۆەن منۋچيننٸڭ مەلٸمدەۋٸنشە, ۋكرايناداعى جانجالعا بايلانىستى رەسەيگە سالىنعان سانكتسييالار سول كٷيٸندە قالادى.
رەسەي ۋكراينادان قىرىمدى 2014 جىلى اننەكسييالاپ الدى. قىرىمنىڭ رەسەيگە قوسىلۋىن حالىقارالىق قاۋىمداستىق مويىنداعان جوق.
