AQSh prezidenti Donald Tramp Resei úkimeti "basyp alynǵan Qyrymdy qaitaryp berip, Ýkrainanyń shyǵysynda qantógisti doǵarýy kerek" dep esepteidi.
Bul týraly Aq úidiń baspasóz hatshysy Shon Spaiser málimdedi. Onyń aitýynsha, Tramp Máskeýge qatysty "óte qatań saiasat ustanady". Dei turǵanmen, Spaiserdiń aitýynsha, "Tramp Reseimen qarym-qatynasty jaqsartýǵa bolatynyna senimdi".
Baspasóz hatshysy Máskeýge qatysty saiasattyń jumsarýynan seskengenderge osylai dep jaýap berdi.
AQSh-tyń jańa qarjy ministri Stiven Mnýchinniń málimdeýinshe, Ýkrainadaǵy janjalǵa bailanysty Reseige salynǵan sanktsiialar sol kúiinde qalady.
Resei Ýkrainadan Qyrymdy 2014 jyly anneksiialap aldy. Qyrymnyń Reseige qosylýyn halyqaralyq qaýymdastyq moiyndaǵan joq.
