اق ٷيدٸڭ حابارلاۋىنشا, اقش پرەزيدەنتٸ دونالد ترامپ 2 تامىز كٷنٸ رەسەيگە, يرانعا جەنە سولتٷستٸك كورەياعا جاڭا سانكتسييالار سالاتىن زاڭعا قول قويدى, دەپ حابارلايدى "ۇلت اقپارات" ازاتتىققا سٸلتەمە جاساپ.
اقش كونگرەسٸ شٸلدەنٸڭ سوڭىندا رەسەيگە اقش-تا 2016 جىلى ٶتكەن پرەزيدەنت سايلاۋى ناۋقانىنا ارالاسقانى ٷشٸن جەنە قىرىمدى باسىپ الىپ, ۋكراينانىڭ شىعىسىنداعى سەپاراتيستەرگە دەم بەرگەنٸ ٷشٸن قاتاڭ سانكتسييا سالۋ تۋرالى زاڭ جوباسىن ماقۇلداعان ەدٸ.
جاڭا زاڭ رەسەيدٸڭ ەنەرگەتيكا كومپانييالارىن نىساناعا الىپ, ولاردىڭ وپەراتسييالارىنا شەكتەۋ قويادى. زاڭعا سەيكەس پرەزيدەنت ترامپ كونگرەستٸڭ ماقۇلداۋىنسىز مەسكەۋگە قارسى ەنگٸزٸلگەن سانكتسييالاردى جۇمسارتا المايدى.
بۇل زاڭنىڭ بەكٸتٸلۋٸ بىلتىرعى سايلاۋ ناۋقانى كەزٸندە مەسكەۋ مەن ۆاشينگتوننىڭ قارىم-قاتىناسىن جاقسارتۋعا شاقىرعان ترامپتىڭ ٷمٸتٸ جۋىر ۋاقىتتا اقتالمايتىنىن كٶرسەتتٸ.
رەسەي پرەزيدەنتٸ ۆلاديمير پۋتين زاڭ جوباسىن كونگرەسس ماقۇلداعان كەزدە اشۋلى رەاكتسييا تانىتقان ەرٸ زاڭ بەكٸتٸلمەي جاتىپ 30 شٸلدە كٷنٸ رەسەيدەگٸ اقش-تىڭ ديپلوماتييالىق قىزمەتكەرلەرٸن 755 ادامعا قىسقارتۋ تۋرالى بۇيرىق بەرگەن. مەسكەۋدٸڭ بۇل شەشٸمٸ رەسەيدٸڭ ۋكرايناداعى اگرەسسيياسى, سيرييا سوعىسىنداعى رٶلٸ مەن 2016 جىلعى اقش سايلاۋىنا ارالاسۋى تۋدىرعان ۆاشينگتونمەن اراداعى شيەلەنٸستٸ ودان سايىن كٷشەيتٸپ جٸبەردٸ. رەسەي اقش-تىڭ سانكتسييا سالۋىن "ٶزٸن جٶنسٸز وقشاۋلاۋ" دەپ ايىپتايدى.
اقش كونگرەسٸ رەسەيگە سالىنىپ وتىرعان جاڭا قاتاڭ سانكتسييالاردى ەۋروپا وداعىنىڭ ٶتٸنٸشٸ بويىنشا سەل ٶزگەرتكەن. ەو جەتەكشٸلەرٸ بۇل سانكتسييالار Nord Stream مۇناي قۇبىرى جوباسىن سالۋ بويىنشا رەسەيمەن ىنتىماقتاسقان باتىس كومپانييالارىنا كەسٸرٸن تيگٸزبەۋ كەرەكتٸگٸن ەسكەرتكەن ەدٸ.
جاڭا سانكتسييالارعا قارسى يران 1 تامىز كٷنٸ بۇۇ-نا شاعىمدانىپ, اقش-تى "التى يادرولىق دەرجاۆا اراسىندا جاسالعان كەلٸسٸمدٸ بۇزدى" دەپ ايىپتاعان. يران پارلامەنتٸنٸڭ سپيكەرٸ ەلي لاريدجاني سوڭعى سانكتسييالار 2015 جىلعى يادرولىق كەلٸسٸم-شارتتى بۇزادى دەپ مەلٸمدەگەن.
