اقش پرەزيدەنتٸ دونالد ترامپ پەن رەسەي پرەزيدەنتٸ ۆلاديمير پۋتين. گامبۋرگ, 7 شٸلدە 2017 جىل.
اقش پرەزيدەنتٸ دونالد ترامپ پەن رەسەي پرەزيدەنتٸ ۆلاديمير پۋتين ەكەۋارا العاشقى كەزدەسۋدە سيرييا مەن ۋكرايناداعى جاعدايدى, تەرروريزم مەن كيبەرقىلمىسقا قارسى كٷرەس, سولتٷستٸك كورەيا تٶڭٸرەگٸندەگٸ احۋالدى تالقىلاعان.
كەزدەسۋگە قاتىسقان اقش مەملەكەتتٸك حاتشىسى رەكس تيللەرسون مەن رەسەي سىرتقى ٸستەر مينيسترٸ سەرگەي لاۆروۆتىڭ ايتۋلارىنشا, تاراپتار ٶزارا ٸس-قيمىل, ەڭ ەۋەلٸ كيبەرقاۋٸپسٸزدٸك سالاسى بويىنشا ەكٸجاقتى جۇمىسشى توبىن قۇرۋ تۋرالى ۋاعدالاسقان.
لاۆروۆتىڭ حابارلاۋىنشا, كەزدەسۋگە قاتىسۋشىلار شىعىس ۋكرايناداعى جاعدايدى ايماقتاعى جانجالدى بەيبٸت رەتتەۋ تۋرالى مينسك كەلٸسٸمٸن ورىنداۋ قاجەتتٸگٸ تۇرعىسىنان تالقىلاعان.
اقش مەملەكەتتٸك حاتشىسى رەكس تيللەرسون كەزدەسۋ باسىندا ترامپتىڭ اقش-تا ٶتكەن جىلعى سايلاۋعا رەسەيلٸكتەردٸڭ ارالاسۋىنا بايلانىستى امەريكالىقتاردىڭ الاڭداۋشىلىعىن جەتكٸزگەنٸ تۋرالى حابارلادى. تيللەرسوننىڭ ايتۋىنشا, پۋتين مەسكەۋدٸڭ ەلگٸندەي ٸس-ەرەكەتتەرگە قاتىسى جوعىن ايتقان.
بۇدان ٶزگە تيللەرسون اقش پەن رەسەيدٸڭ سولتٷستٸك كورەيانىڭ قارۋ باعدارلاماسىنا قاتىستى احۋالدى رەتتەۋگە كٶزقاراسى ەرقيلى ەكەنٸن ايتتى. ونىڭ سٶزٸنشە, ۆاشينگتون سولتٷستٸك كورەيامەن ەكونوميكالىق بايلانىسى بار مەسكەۋدٸ پحەنياندى تەجەۋگە بەلسەندٸ قيمىلداۋعا كٶندٸرۋ ٷشٸن وعان قىسىم جاساۋىن جالعاستىرا بەرمەك.
اقش مەملەكەتتٸك حاتشىسى ترامپ پەن پۋتيننٸڭ كەزدەسۋٸندە امەريكالىق زىمىراننان قورعانىس جٷيەسٸ تۋرالى مەسەلە قوزعالماعانى تۋرالى ايتتى.
گامبۋرگتەگٸ «ٷلكەن جيىرمالىق» (G20) cامميتٸ كەزٸندە ٶتكەن ترامپ پەن پۋتيننٸڭ العاشقى كەزدەسۋٸ ەكٸ ساعاتتان استام ۋاقىتقا جالعاسقان.
