اقش پرەزيدەنتٸ دونالد ترامپ كونگگرەستە سٶيلەپ تۇر. ۆاشينگتون, 28 اقپان 2017 جىل.
اقش پرەزيدەنتٸ دونالد ترامپ اقش پەن ەلەمدە تەرروريستٸك شابۋىلدار كٷشەيگەنٸن ايتىپ, جاڭا قاتاڭ يمميگراتسييالىق شارالار قابىلداۋعا ۋەدە بەردٸ.
سونىمەن قاتار ترامپ اقش كونگرەسٸندە جاساعان ٷندەۋٸندە اقش "يسلام مەملەكەتٸ" ەكسترەميستٸك ۇيىمىمەن كٷرەستە وداقتاستارىمەن بٸرگە جۇمىس ٸستەيتٸنٸن دە ايتتى. ول يم-دٸ "مۇسىلماندار مەن حريستيانداردى, بارلىق دٸندەگٸ ادامداردى, ەيەلدەر مەن بالالاردى ايۋاندىقپەن ٶلتٸرەتٸن تاعىلاردىڭ ۇيىمى" دەپ اتادى.
"بٸز بۇل قورقاۋلاردى جەر بەتٸنەن جويىپ جٸبەرۋ ٷشٸن وداقتاستارىمىزبەن, ونىڭ ٸشٸندە مۇسىلمان ەلەمٸندەگٸ سەرٸكتەرٸمٸزبەن بٸرٸگٸپ ەرەكەت ەتەمٸز" دەدٸ ترامپ.
ەستەرٸڭٸزگە سالا كەتەيٸك, ترامپ 20 قاڭتاردا قىزمەتٸنە كٸرٸسكەننەن بەرٸ تۇڭعىش رەت رەسمي سٶز سٶيلەدٸ. ول ٶز سٶزٸن تاياۋدا عانا ەۆرەي قاۋىمداستىعىنا قارسى جاسالعان قوقان-لوققى مەن ۆانداليزمدٸ جەنە كانزاس شتاتىنداعى ٷندٸستاننان كەلگەن ەكٸ يمميگرانتتىڭ اتىسىن ايىپتاۋدان باستادى.
ترامپ سونىمەن بٸرگە اقش-تاعى كٶپٸرلەردٸڭ, ەۋەجايلار مەن باسقا دا ينفراقۇرىلىمدىق نىسانداردىڭ قايتا سالىناتىنىن ايتتى.
دونالد ترامپتىڭ اقش كونگرەسٸندە سٶيلەگەن سٶزٸ:
