AQSh prezidenti Donald Tramp konggreste sóilep tur. Vashington, 28 aqpan 2017 jyl.
AQSh prezidenti Donald Tramp AQSh pen álemde terroristik shabýyldar kúsheigenin aityp, jańa qatań immigratsiialyq sharalar qabyldaýǵa ýáde berdi.
Sonymen qatar Tramp AQSh kongresinde jasaǵan úndeýinde AQSh "Islam memleketi" ekstremistik uiymymen kúreste odaqtastarymen birge jumys isteitinin de aitty. Ol IM-di "musylmandar men hristiandardy, barlyq dindegi adamdardy, áielder men balalardy aiýandyqpen óltiretin taǵylardyń uiymy" dep atady.
"Biz bul qorqaýlardy jer betinen joiyp jiberý úshin odaqtastarymyzben, onyń ishinde musylman álemindegi serikterimizben birigip áreket etemiz" dedi Tramp.
Esterińizge sala keteiik, Tramp 20 qańtarda qyzmetine kiriskennen beri tuńǵysh ret resmi sóz sóiledi. Ol óz sózin taiaýda ǵana evrei qaýymdastyǵyna qarsy jasalǵan qoqan-loqqy men vandalizmdi jáne Kanzas shtatyndaǵy Úndistannan kelgen eki immigranttyń atysyn aiyptaýdan bastady.
Tramp sonymen birge AQSh-taǵy kópirlerdiń, áýejailar men basqa da infraqurylymdyq nysandardyń qaita salynatynyn aitty.
Donald Tramptyń AQSh kongresinde sóilegen sózi:
