اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا «تٶرت اعايىندى» ٸسٸ قارالۋدا. بٷگٸن سوتقا قاتىسقان وليمپيادا چەمپيونى يۋريي مەلنيچەنكو ايىپتالۋشى ەركٸن ٸزباسار تۋرالى ايتىپ بەردٸ, دەپ حابارلايدى قازاقپارات تٸلشٸسٸ.
«ەركٸن ٸزباساردى كەڭەس وداعىنان بەرٸ تانيمىن. مەن گرەك-ريم كٷرەسٸنەن كەڭەس وداعىنىڭ قۇرامىندا بولدىم. سول كەزدە كومانداعا ەسەنگەلدٸ باتىرعارين ەنگەن بولاتىن. ول اقتٶبە وبلىسى, شالقار اۋدانىنىڭ تۋماسى. جارىستارعا قاتىسىپ جٷرگەندە ەركٸن ٸزباسارمەن كەزدەستٸم. ەسەنگەلدٸ ەركٸنمەن دوس بولدى. ەركٸن ٸزباسار جاتتىعۋ زالىنا كەلٸپ, جانكٷيەر, سپورت جاناشىرى رەتٸندە تانىلدى. كەيٸن جارىستاردا جولىمىز تٷيٸستٸ. گۋانچجوۋ قالاسىندا ٶتكەن ازييا ويىندارىندا بولدىق. بۇل 8-10 جىل بۇرىن بولعان جاعداي", - دەدٸ يۋ. مەلنيچەنكو. ول سونداي-اق, ەركٸن ٸزباسار مەن اۋحات قاليەۆتٸ جاقسى جاعىنان عانا ايتا الاتىنىن جەتكٸزدٸ. "كەڭەس وداعى قۇلاعان كەزدە اقتٶبە وبلىسىندا سپورت قۇلدىراپ كەتتٸ. جاناشىر ادامداردىڭ قولداۋى كەرەك بولدى. سول قولداۋدى ەركٸن ٸزباسار جاساپ, بالۋانداردى كٶتەردٸ. 2015 جىلدان باستاپ اقتٶبەلٸك بالۋاندار قازاقستان قۇراماسىنا ەندٸ. ونىڭ ٸشٸندە ازييا چەمپيونى نۇريسلام ساناەۆ تا بار», - دەدٸ وليمپيادا چەمپيونى يۋريي مەلنيچەنكو.
كەيٸن يۋريي مەلنيچەنكو سوتتالۋشى ەركٸن ٸزباسار تەك قازاقستان ەمەس, رەسەي فەدەراتسيياسىنىڭ سپورتشىلارى اراسىندا دا كەڭ تانىلعانىن جاسىرمادى. ال سۋديا احمەتقالي مولداعاليەۆ سپورتشىلارعا قولداۋ بٸلدٸرٸپ جٷرگەن ەركٸن ٸزباساردىڭ قارجىنى قايدان الاتىنىن سۇرادى.
«مەن ونى بٸلمەيمٸن. كەسٸپكەرلٸكپەن اينالىسپايمىن, بٸز جارىستاردا كەزدەسٸپ تۇرامىز. ودان سۇراعان دا ەمەسپٸن. مەتسەنات بولىپ جٷرگەن جالعىز ول ەمەس. ەلٸمٸزدە سپورتتى قولداپ, ينۆەستيتسييا سالىپ جٷرگەن ادام كٶپ», - دەدٸ يۋريي مەلنيچەنكو.
ايتا كەتەيٸك, ەركٸن ٸزباسار تۋرالى سوت وتىرىسىنا قاتىسىپ, ونى قولداۋعا داعىستاننان سپورتشى تيمۋر گاديسەۆ تا كەلگەن.
«ەركٸن ٸزباسار قازاقستان سپورتىن دامىتىپ جٷرگەن ادام. ول ەردايىم سپورتشىلاردىڭ جانىندا بولۋعا دايىن. سپورتشىلاردى جاتتىعۋعا جٸبەرٸپ, ٷنەمٸ شىڭداپ وتىراتىن. مەن ول تۋرالى ايتۋ ٷشٸن قازاقستانعا كەلٸپ وتىرمىن. قاجەت بولسا افريكا, اقش-قا جاياۋ, ۆەلوسيپەدپەن بولسا دا بارار ەدٸم», - دەدٸ تيمۋر گاديسەۆ.
ەسكە سالساق, اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ەركٸن ٸزباسار, اۋحات قاليەۆ باستاعان قىلمىستىق توپقا قاتىستى ٸس قارالىپ جاتىر. ولارعا مۇناي ۇرلىعى, زاڭسىز ساقتادى, ساتتى جەنە رەيدەرلٸك جولمەن بٶتەننٸڭ مٷلكٸن تارتىپ الدى دەپ ايىپ تاعىلعان. بارلىعى 26 سوتتالۋشىعا قاتىستى قىلمىستىق ٸستٸڭ قارالىپ جاتقانىنا 4 اي بولدى.
