مەملەكەت باسشىسى قاسىم-جومارت توقاەۆ قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆانى قابىلدادى. كەزدەسۋدە قارجى نارىعىن رەتتەۋ مەن دامىتۋدىڭ بيىلعى سەگٸز ايداعى نەتيجەلەرٸ جەنە الداعى كەزەڭگە ارنالعان مٸندەتتەر تالقىلاندى, دەپ حابارلايدى ult.kz.
مەدينا ەبٸلقاسىموۆا جاڭا بانك زاڭىن ٸسكە اسىرۋ اياسىندا زاڭعا تەۋەلدٸ اكتٸلەر بازاسى تولىق جاڭارتىلعانىن ايتتى. وسى باعىتتا 80 نورماتيۆتٸك-قۇقىقتىق اكت قابىلدانعان.
جىل باسىنان بەرٸ بانكتەردٸڭ اكتيۆتەرٸ 75,6 ترلن تەڭگەگە جەتٸپ, 6,9 پايىزعا ٶسكەن. ال بانك كاپيتالىنىڭ جەتكٸلٸكتٸلٸك دەڭگەيٸ 20,7 پايىزدى قۇرادى.
اگەنتتٸك سەگٸز اي ٸشٸندە قارجى سەكتورى سۋبەكتٸلەرٸنە 279 ينسپەكتورلىق تەكسەرۋ جٷرگٸزگەن. نەتيجەسٸندە 190 قاداعالاۋ شاراسى قولدانىلىپ, جالپى سوماسى 465 ملن تەڭگە ايىپپۇل سالىنعان.
ميكروقارجى جەنە كوللەكتورلىق قىزمەت نارىعىندا جۇمىس ٸستەيتٸن 13 سۋبەكت ليتسەنزيياسىنان ايىرىلدى. تاعى التى ۇيىمنىڭ ليتسەنزيياسى ۋاقىتشا توقتاتىلىپ, تٶرت كوللەكتورلىق اگەنتتٸك تيٸستٸ تٸزٸلٸمنەن شىعارىلعان.
تۇتىنۋشىلىق نەسيە ٶسٸمٸ باياۋلاعان
كەزدەسۋدە حالىقتىڭ شامادان تىس كرەديت الۋىن ازايتۋ جەنە ەكونوميكانى قارجىلاندىرۋدى كەڭەيتۋ شارالارى دا قارالدى.
بيزنەسكە بەرٸلگەن كرەديت كٶلەمٸ 3,5 پايىزعا ٶسٸپ, 16 ترلن تەڭگەگە جەتكەن. ال جىل باسىنان بەرٸ كەسٸپكەرلٸككە جاڭادان بەرٸلگەن كرەديت كٶلەمٸ 19,1 پايىزعا ارتىپ, 12,5 ترلن تەڭگەنٸ قۇرادى.
قابىلدانعان رەتتەۋ شارالارىنىڭ نەتيجەسٸندە جەتٸ ايدا تۇتىنۋشىلىق نەسيەلەردٸڭ ٶسٸمٸ 4,6 پايىزعا دەيٸن باياۋلاعان.
بيىل شٸلدەدەن باستاپ مەرزٸمٸ ٶتكەن بەرەشەكتٸ ۇجىمدىق رەتتەۋگە ارنالعان Finkelisimkz پلاتفورماسى ٸسكە قوسىلدى. ال جىل سوڭىنا دەيٸن ازاماتتاردىڭ قارجى ۇيىمدارىنا قاتىستى ٶتٸنٸشتەرٸ مەن شاعىمدارىن قاراستىراتىن بٸرىڭعاي قارجى ومبۋدسمەنٸ كەڭسەسٸ جۇمىسىن باستايدى.
سونىمەن قاتار اگەنتتٸك كاپيتال نارىعى مەن ساقتاندىرۋ نارىعىن دامىتۋدىڭ 2030 جىلعا دەيٸنگٸ باعدارلاماسىن جەنە «كاپيتال نارىعى تۋرالى», «ساقتاندىرۋ نارىعى تۋرالى» جاڭا زاڭ جوبالارىن ەزٸرلەۋ جٶنٸندەگٸ جۇمىستاردىڭ بارىسىن باياندادى.
قارجى نارىعىنا جاساندى ينتەللەكت ەنگٸزٸلەدٸ
كەزدەسۋدە قارجى سەكتورىن تسيفرلاندىرۋ مەسەلەسٸ دە تالقىلاندى.
اگەنتتٸك جاساندى ينتەللەكت تەحنولوگييالارىنا نەگٸزدەلگەن FinAI بٸرىڭعاي قاداعالاۋ پلاتفورماسىن ەزٸرلەگەن. جىل سوڭىنا دەيٸن قارجى نارىعىنا جاساندى ينتەللەكتٸنٸ ەنگٸزۋ ستراتەگيياسىن دايىنداۋ جوسپارلانىپ وتىر. قۇجاتتا اقپاراتتىق قاۋٸپسٸزدٸك پەن دەرەكتەردٸ قورعاۋدىڭ بٸرىڭعاي تەسٸلدەرٸ قاراستىرىلماق.
كەزدەسۋ قورىتىندىسى بويىنشا قاسىم-جومارت توقاەۆ قارجىلىق تۇراقتىلىقتى قامتاماسىز ەتۋ, قارجى سالاسىندا جاساندى ينتەللەكتٸنٸ كەڭٸنەن پايدالانۋ, ەكونوميكانىڭ ناقتى سەكتورلارىن كرەديتتەۋدٸ ارتتىرۋ, سونداي-اق كاپيتال جەنە ساقتاندىرۋ نارىقتارىن ودان ەرٸ دامىتۋ جٶنٸندە بٸرقاتار تاپسىرما بەردٸ.
