اتىراۋ وبلىسىنىڭ دەنساۋلىق ساقتاۋ باسقارماسىنىڭ باسشىسىن جۇمىستان شىعارۋ ۇسىنىلدى, دەپ حابارلايدى "ۇلت اقپارات".
دەنساۋلىق ساقتاۋ ۆيتسي-مينيسترٸ لەززات اقتاەۆانىڭ ايتۋىنشا, مۇنداي شەشٸمگە اتىراۋ وبلىسىندا پەريناتالدى ورتالىعىنىڭ باسشىسى مەن دەرٸگەرٸ جاڭا تۋعان نەرەستەنٸ توڭازىتقىش كامەراسىنا سالىپ ٶلتٸردٸ دەگەن كٷدٸككە ٸلٸنۋٸ سەبەپ بولعان. سونداي-اق, اتالمىش پەرزەنتحانا ورتالىعىنىڭ قىزمەتكەرلەرٸنٸڭ جەمقورلىققا بايلانىستى قىلمىستىق ٸسكە قاتىستى بولۋى دا ىقپال ەتكەن.
«اتىراۋ وبلىستىق پەرزەنتحانا ورتالىعى وبلىستىق دەنساۋلىق ساقتاۋ باسقارماسىنا قارايدى. وسىعان بايلانىستى مينيستر (بٸرتانوۆ-اۆت.) مۇنداي جاعدايلاردىڭ تٸركەلگەنٸن ەستٸپ كەشە اتىراۋ وبلىسىنىڭ دەنساۋلىق ساقتاۋ باسقارماسىنىڭ باسشىسىن جۇمىستان شىعارۋدى ۇسىندى. باسقارما باسشىسى ٶز ەركٸمەن جۇمىستان كەتەتٸنٸن ايتتى. بۇدان بۇرىن ايتقانىمداي, باس دەرٸگەرلەردٸ تاعايىنداۋ نەمەسە ولاردى الىپ تاستاۋ – جەرگٸلٸكتٸ اتقارۋشى ورگانداردىڭ قۇزٸرەتٸنە جاتادى», - دەدٸ ول ەلوردادا سىبايلاس جەمقورلىققا قارسى ٸس-قيمىل اگەنتتٸگٸندە ٶتكەن بريفينگ بارىسىندا.
سونىمەن بٸرگە, ۆيتسە-مينيستر شەتٸنەگەن نەرەستەنٸڭ اتا-اناسىنان كەشٸرٸم سۇرادى.
«مەن قايعى جامىلعان وتباسىعا كٶڭٸل ايتىپ, كەشٸرٸم سۇرايمىن. الايدا, قاساقانا كٸسٸ ٶلتٸرۋ فاكتٸسٸن جٷرگٸزٸلٸپ جاتقان تەرگەۋ انىقتايدى», - دەدٸ ول.
ەسكە سالا كەتسەك, بۇعان دەيٸن اتىراۋ وبلىسىندا پەرزەنتحانا ورتالىعىنىڭ باسشىسى مەن دەرٸگەرٸ جاڭا تۋعان نەرەستەنٸ توڭازىتقىش كامەراسىنا سالىپ ٶلتٸردٸ دەگەن كٷدٸككە ٸلٸنگەنٸ حابارلانعان بولاتىن.
