Atyraý oblysynyń Densaýlyq saqtaý basqarmasynyń basshysyn jumystan shyǵarý usynyldy, dep habarlaidy "Ult aqparat".
Densaýlyq saqtaý vitsi-ministri Lázzat Aqtaevanyń aitýynsha, mundai sheshimge Atyraý oblysynda perinataldy ortalyǵynyń basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilinýi sebep bolǵan. Sondai-aq, atalmysh perzenthana ortalyǵynyń qyzmetkerleriniń jemqorlyqqa bailanysty qylmystyq iske qatysty bolýy da yqpal etken.
«Atyraý oblystyq perzenthana ortalyǵy oblystyq densaýlyq saqtaý basqarmasyna qaraidy. Osyǵan bailanysty ministr (Birtanov-avt.) mundai jaǵdailardyń tirkelgenin estip keshe Atyraý oblysynyń Densaýlyq saqtaý basqarmasynyń basshysyn jumystan shyǵarýdy usyndy. Basqarma basshysy óz erkimen jumystan ketetinin aitty. Budan buryn aitqanymdai, bas dárigerlerdi taǵaiyndaý nemese olardy alyp tastaý – jergilikti atqarýshy organdardyń quziretine jatady», - dedi ol elordada Sybailas jemqorlyqqa qarsy is-qimyl agenttiginde ótken brifing barysynda.
Sonymen birge, vitse-ministr shetinegen náresteniń ata-anasynan keshirim surady.
«Men qaiǵy jamylǵan otbasyǵa kóńil aityp, keshirim suraimyn. Alaida, qasaqana kisi óltirý faktisin júrgizilip jatqan tergeý anyqtaidy», - dedi ol.
Eske sala ketsek, buǵan deiin Atyraý oblysynda perzenthana ortalyǵynyń basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilingeni habarlanǵan bolatyn.
