توكيوداعى جازعى وليمپيادانىڭ ۇيىمداستىرۋشىلارى سەۋٸردٸڭ اياعىندا ويىنداردى ٶتكٸزۋ ەرەجەلەرٸنٸڭ جاڭا نۇسقاسىن بەكٸتٸپ, وندا سپورتشىلاردىڭ كٷن سايىن كوروناۆيرۋسقا تەستٸلەۋدەن ٶتۋٸ كەرەكتٸگٸ تۋرالى تارماق ەنگٸزبەك. بۇل تۋرالى Kyodo اگەنتتٸگٸ حابارلادى.
قازٸرگٸ كەزدە بۇل شەشٸم حالىقارالىق وليمپيادا كوميتەتٸمەن (حوك) كەلٸسٸلۋدە. تەستتەردٸڭ باسىم بٶلٸگٸ انتيگەنگە تەكسەرەدٸ. تەستٸلەۋ وڭ نەتيجە كٶرسەتكەن جاعدايدا, دەرٸگەرلەر پتر تەسٸلٸ بويىنشا قوسىمشا زەرتتەۋ جٷرگٸزەدٸ. اتلەتتەردەن كوروناۆيرۋس بەلگٸلەرٸ بايقالسا, ولاردى بٸردەن پتر تەستٸن تاپسىرۋعا جٸبەرەدٸ. وسىعان وراي ارنايى وليمپيادالىق اۋىلدا بٶلەك زەرتحانا اشىلماق.
تەكسەرٸس كەستەسٸ ويىنداردىڭ ۋاقىتىنا بايلانىستى قۇرىلادى. سونىمەن قوسا ويىننىڭ قانداي دا بٸر كەزەڭٸ ٶتەتٸن كٷنٸ سپورتشىلار تەستٸلەۋدەن بوساتىلۋى مٷمكٸن.
كيودو دەرەگٸنشە, «توكيو-2020» ۇيىمداستىرۋ كوميتەتٸ 9 مامىردا ٶتەتٸن جەڭٸل اتلەتيكا بويىنشا تەستٸلٸك جارىستاردى كٶرەرمەندەرسٸز ٶتكٸزۋدٸ قاراستىرۋدا.
توكيوداعى وليمپيادالىق ويىندار 2020 جىلدىڭ 24 شٸلدەسٸ مەن 9 تامىزى ارالىعىنا جوسپارلانعان ەدٸ. كوروناۆيرۋس پاندەميياسىنا بايلانىستى وليمپيادا بٸر جىلعا شەگەرٸلٸپ, ەندٸ 2021 جىلدىڭ 23 شٸلدەسٸ مەن 8 تامىزى ارالىعىندا ٶتپەك.
