فوتو: Akorda.kz
پرەزيدەنت يندۋسترييا جەنە ينفراقۇرىلىمدىق دامۋ مينيسترٸ مارات قاراباەۆتى, ەكولوگييا جەنە تابيعي رەسۋرستار مينيسترٸ زٷلفييا سٷلەيمەنوۆانى, مەدەنيەت جەنە سپورت مينيسترٸ اسحات ورالوۆتى, وقۋ-اعارتۋ مينيسترٸ عاني بەيسەمباەۆتى جەنە ەدٸلەت مينيسترٸ ازامات ەسقاراەۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا قاسىم-جومارت توقاەۆ مينيسترلٸكتەردٸڭ جاۋاپكەرشٸلٸگٸندەگٸ مەملەكەتتٸك جەنە سالالىق باعدارلامالاردى, ۇلتتىق جوبالاردى تيٸمدٸ جٷزەگە اسىرۋدىڭ ماڭىزدىلىعىنا نازار اۋداردى.
مەملەكەت باسشىسى يندۋسترييا جەنە ينفراقۇرىلىمدىق دامۋ مينيسترٸ مارات قاراباەۆقا گەولوگييا جەنە جەر قويناۋىن پايدالانۋ سالاسىن رەتتەۋ, كٶلٸك-لوگيستيكا ەلەۋەتٸ مەن ٶڭدەۋ ٶنەركەسٸبٸن دامىتۋ, سونداي-اق تۇرعىن ٷي قۇرىلىسىنىڭ كٶلەمٸن ارتتىرۋ جۇمىستارىن تاپسىردى.
ەكولوگييا جەنە تابيعي رەسۋرستار مينيسترٸ زٷلفييا سٷلەيمەنوۆاعا سۋ مەسەلەسٸنٸڭ ساياساتى مەن تابيعي رەسۋرستاردى رەتتەۋ, كٶگالداندىرۋ جەنە ازاماتتاردى ەكولوگييالىق تۇرعىدا تەربيەلەۋ مٸندەتتەرٸ جٷكتەلدٸ.
مەدەنيەت جەنە سپورت مينيسترٸ اسحات ورالوۆقا تۋريزمدٸ, بۇقارالىق سپورتتى جەنە مەدەنيەت سالاسىن دامىتۋ جٶنٸندە بٸرقاتار تاپسىرما بەرٸلدٸ.
پرەزيدەنت وقۋ-اعارتۋ مينيسترٸ عاني بەيسەمباەۆقا «جايلى مەكتەپ» ۇلتتىق جوباسىنىڭ ۋاقتىلى جٷزەگە اسىرىلۋىن قامتاماسىز ەتۋ, سونداي-اق مەكتەپتەگٸ جەنە مەكتەپكە دەيٸنگٸ بٸلٸم بەرۋ ساپاسىن ارتتىرۋ جٶنٸندە تاپسىرما بەردٸ.
ەدٸلەت مينيسترٸ ازامات ەسقاراەۆقا زاڭنامانى جەنە نورماتيۆتٸك-قۇقىقتىق بازانى ودان ەرٸ جەتٸلدٸرۋ جٶنٸندە بٸرقاتار مٸندەت جٷكتەلدٸ.
كەزدەسۋ سوڭىندا قاسىم-جومارت توقاەۆ ازاماتتارمەن تىعىز جۇمىس ٸستەپ, ولاردىڭ مەسەلەلەرٸن ۋاقتىلى شەشۋ قاجەت ەكەنٸن اتاپ ٶتتٸ.
