Foto: Akorda.kz
Prezident Indýstriia jáne infraqurylymdyq damý ministri Marat Qarabaevty, Ekologiia jáne tabiǵi resýrstar ministri Zúlfiia Súleimenovany, Mádeniet jáne sport ministri Ashat Oralovty, Oqý-aǵartý ministri Ǵani Beisembaevty jáne Ádilet ministri Azamat Esqaraevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Qasym-Jomart Toqaev ministrlikterdiń jaýapkershiligindegi memlekettik jáne salalyq baǵdarlamalardy, ulttyq jobalardy tiimdi júzege asyrýdyń mańyzdylyǵyna nazar aýdardy.
Memleket basshysy Indýstriia jáne infraqurylymdyq damý ministri Marat Qarabaevqa geologiia jáne jer qoinaýyn paidalaný salasyn retteý, kólik-logistika áleýeti men óńdeý ónerkásibin damytý, sondai-aq turǵyn úi qurylysynyń kólemin arttyrý jumystaryn tapsyrdy.
Ekologiia jáne tabiǵi resýrstar ministri Zúlfiia Súleimenovaǵa sý máselesiniń saiasaty men tabiǵi resýrstardy retteý, kógaldandyrý jáne azamattardy ekologiialyq turǵyda tárbieleý mindetteri júkteldi.
Mádeniet jáne sport ministri Ashat Oralovqa týrizmdi, buqaralyq sportty jáne mádeniet salasyn damytý jóninde birqatar tapsyrma berildi.
Prezident Oqý-aǵartý ministri Ǵani Beisembaevqa «Jaily mektep» ulttyq jobasynyń ýaqtyly júzege asyrylýyn qamtamasyz etý, sondai-aq mekteptegi jáne mektepke deiingi bilim berý sapasyn arttyrý jóninde tapsyrma berdi.
Ádilet ministri Azamat Esqaraevqa zańnamany jáne normativtik-quqyqtyq bazany odan ári jetildirý jóninde birqatar mindet júkteldi.
Kezdesý sońynda Qasym-Jomart Toqaev azamattarmen tyǵyz jumys istep, olardyń máselelerin ýaqtyly sheshý qajet ekenin atap ótti.
