قر پارلامەنت سەناتىنىڭ تٶراعاسى قاسىم-جومارت توقاەۆ اسقار مىرزاحمەتوۆتى اۋىل شارۋاشىلىعىن دامىتۋ ٷشٸن بەلسەندٸ شەشٸمدەر قابىلداۋعا شاقىردى, - دەپ حابارلايدى kaz.tengrinews.kz تٸلشٸسٸ.
سەناتتاعى وتىرىس كەزٸندە اگرارلىق مەسەلەلەر كوميتەتٸنٸڭ مٷشەسٸ سەرٸك بٸلەلوۆ اۋىل شارۋاشىلىعى مينيسترٸنەن اگرارلىق سەكتورعا سۋبسيدييا بٶلۋدٸڭ قانشالىقتى نەتيجەلٸ ەكەنٸن سۇرادى.
"اۋىل شارۋاشىلىعى مينيسترٸ اسقار مىرزاحمەتوۆكە سۇراعىم بار. جىل ٶتكەن سايىن بيۋدجەتتەن اقشا كٶبٸرەك بٶلٸنگەنٸمەن نەگە اگرارلىق سەكتوردا وڭدى ٶزگەرٸستەر كٶرمەيمٸز?", - دەپ سۇرادى سەرٸك بٸلەلوۆ.
اسقار مىرزاحمەتوۆ بۇعان جاڭا باعدارلاما اياسىندا بارلىق سۋبسيدييا قايتا قارالعانىن ايتتى.
"سۋبسيدييانىڭ 11 تٷرٸ الىپ تاستالادى, نەتيجەسٸزدەرٸ. جىلىنا ورتاشا 25 ميلليارد تەڭگە ٷنەمدەلٸپ, وڭدى كٶرسەتكٸشتەرٸ بار باعىتتارعا جۇمسالادى. نەتيجەسٸندە سول بيۋدجەت قاراجاتىنا اۋىل شارۋاشىلعى ٶنٸمدەرٸ 20-30 پايىزعا ارتادى", - دەدٸ مينيستر.
توقاەۆ مىرزاحمەتوۆتٸڭ جىلىنا 60 مىڭ توننا ەت ەكسپورتقا شىعارىلاتىنى تۋرالى بەرگەن ۋەدەسٸن ەسٸنە سالدى.
"ەر مينيستر كەلٸپ, جاڭا باعدارلاما جاسايدى. بۇل باعدارلاما ەمەس, جاقسى تٸلەكتەر عانا سيياقتى. 2020 جىلى تاعى بٸر باعدارلاما اشىلاتىن سيياقتى. ونىڭ جارناماسىن كٷشەيتەدٸ, 60 مىڭ توننا ەتتٸ ەكسپورتتاۋ جوسپارى سيياقتى. سەناتتا ونىڭ مٷمكٸن ەمەس ەكەنٸ ايتىلدى عوي. بۇل باعدارلامانى سونشا جارنامالاپ, ەلباسىنىڭ اۋزىنا سالىپ قويدىڭدار", - دەدٸ قاسىم-جومارت توقاەۆ.
"سەنٸمدٸ اقتاماي وتىرسىز, اسقار يسابەكۇلى (مىرزاحمەتوۆ). اۋىل شارۋاشىلعىنىڭ مامانىسىز, سٸزگە سەنٸم ارتىپ, ٶكٸلەت بەردٸ - پرەمەر-مينيستر ورىنباسارى. شەشٸم قابىلداڭىز, العا جىلجۋىمىز كەرەك. باعدارلامانى كەز كەلگەن ادام قۇر جازىپ قويا الادى. قيىن بولىپ پا? ناقتى قادامدار كەرەك", - دەپ اياقتادى ول سٶزٸن.
