فوتو: اقوردا
مەملەكەت باسشىسى Astana Think Tank فورۋمىنىڭ پلەنارلىق وتىرىسىندا سٶز سٶيلەدٸ, دەپ حابارلايدى اقوردانىڭ باسپاسٶز قىزمەتٸ.
قر پرەزيدەنتٸ قاسىم-جومارت توقاەۆ جيىن قاتىسۋشىلارىنا ٸلتيپات بٸلدٸرٸپ, بۇل ديالوگ الاڭى استانا حالىقارالىق فورۋمىنىڭ اياسىندا قۇرىلعانىن, ەڭ ٶزەكتٸ جاھاندىق جەنە ٶڭٸرلٸك مەسەلەلەر جٶنٸندە پٸكٸر الماسۋعا ارنالعانىن اتاپ ٶتتٸ.
مەملەكەت باسشىسى جيىندا رەسەي-ۋكراينا اراسىنداعى قاقتىعىستى شەشۋ مەسەلەسٸ جٶنٸندە پٸكٸر بٸلدٸردٸ.
"كانتسلەر شولتسپەن كەلٸسسٶز بارىسىندا ايتقانىمداي, رەسەيدٸڭ ەسكەري تۇرعىدان جەڭٸلمەيتٸنٸ انىق. بۇل – رەسەيدٸڭ ەسكەري ەلەۋەتٸ, پرەزيدەنت پۋتين جٷرگٸزٸپ وتىرعان ساياساتتى حالقىنىڭ قولداۋى جەنە تاريحتىڭ ٶزٸ دەلەلدەپ وتىرعان فاكت. سوندىقتان بٸز قاقتىعىستى بەيبٸت تٷردە شەشۋ جولدارىن قاراستىرۋدى, بارلىق مەملەكەتتٸڭ, سونىڭ ٸشٸندە قىتاي مەن برازيلييانىڭ اقىلعا قونىمدى جوسپارلارىن قولدايمىز. باسقا جول جوق. ەيتپەسە, سوعىس قوس تاراپتى دا جويىپ تىنادى. كەيبٸر ەلەمدٸك كٷشتەر بۇعان مٷددەلٸ شىعار. بٸراق بۇل تىعىرىققا تٸرەيتٸن جول. كونسترۋكتيۆتٸ كەلٸسسٶزدەر ارقىلى بەيبٸتشٸلٸككە ۇمتىلۋ – ەلسٸزدٸكتٸڭ بەلگٸسٸ ەمەس, كەرٸسٸنشە, ستراتەگييالىق پاراساتتىلىقتىڭ كٶرٸنٸسٸ", – دەدٸ پرەزيدەنت.
پرەزيدەنت قازاقستان حالىقارالىق فورۋمداردا, سونىڭ ٸشٸندە بۇۇ قاۋٸپسٸزدٸك كەڭەسٸندە ورتا دەرجاۆالاردىڭ مٷددەسٸن قورعاۋدى جالعاستىرا بەرەتٸنٸن جەتكٸزدٸ.
"بٸز حالىقارالىق جٷيەنٸڭ مەيلٸنشە ينكليۋزيۆتٸ جەنە ورنىقتى بولعانىن قالايمىز. مەملەكەتتەردٸ ٷلكەن نەمەسە شاعىن دەپ بٶلمەي, ولارعا جاھاندى جاقسارتۋ ٷشٸن ٶز ٷلەسٸن قوسۋعا مٷمكٸندٸك بەرۋ كەرەك. قازاقستان الداعى ۋاقىتتا دا ەلەمدٸك ارەنادا بەلسەندٸ رٶل اتقارۋعا دايىن. بٸز ديپلوماتييانىڭ, ەكونوميكالىق ىنتىماقتاستىق پەن كٶپجاقتى باسقارۋدىڭ توعىسقان جەرٸندە تۇرمىز. ەرٸپتەستەرٸمٸزبەن جەنە سەرٸكتەستەرٸمٸزبەن بٸرگە ەرەكەت ەتۋ ارقىلى بولاشاق ەلەمنٸڭ كەلبەتٸن قالىپتاستىرۋعا اتسالىسا الامىز. حالىقارالىق تەرتٸپ ٶزگەرٸپ جاتقان كەزەڭدە بٸزدٸڭ جاي عانا باقىلاۋشى بولعىمىز كەلمەيدٸ. كەرٸسٸنشە, اناعۇرلىم تەڭگەرٸمدٸ, ەدٸل ەرٸ ورنىقتى عالامدىق جٷيەنٸڭ ارحيتەكتورلارى بولۋعا ۇمتىلامىز", – دەدٸ قاسىم-جومارت توقاەۆ.
