مەملەكەت باسشىسى كوروناۆيرۋس پاندەميياسىنا بايلانىستى جارييالانعان تٶتەنشە جاعداي كەزٸندە ەكٸ اپتانىڭ ٸشٸندە سالىنعان ەلورداداعى مودۋلدٸ جۇقپالى اۋرۋلار اۋرۋحاناسىنا باردى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەديتسينالىق مەكەمەنٸڭ جالپى اۋماعى 7 مىڭ شارشى مەتردٸ قۇرايدى. ونىڭ قۇرىلىسىنا رەسپۋبليكالىق بيۋدجەتتەن 5,5 ميلليارد تەڭگە بٶلٸندٸ. مەديتسينالىق نىساندى «BI Group» كومپانييالار توبى سالدى.
اۋرۋحانا عيماراتى تەز قۇراستىرىلاتىن قۇرىلىس تەحنولوگيياسىن پايدالانا وتىرىپ, مودۋلدٸك بلوكتاردان تۇرعىزىلدى. 200 ورىنعا ەسەپتەلگەن اۋرۋحانا مەديتسينا قىزمەتكەرلەرٸ مەن ەم الۋشىلاردىڭ قاۋٸپسٸزدٸگٸن قامتاماسىز ەتەتٸن زاماناۋي قۇرالدارمەن جابدىقتالعان.
دەنساۋلىق ساقتاۋ مينيسترٸ ەلجان بٸرتانوۆ پرەزيدەنتكە ٸندەتكە قارسى كٷرەستەگٸ مەديتسينالىق كٶمەكتٸڭ پروبلەمالارى مەن ونى جەتٸلدٸرۋ جولدارى تۋرالى باياندادى. مەملەكەت باسشىسى ناۋقاستاردى ەمدەۋگە قاجەتتٸ بارلىق قۇرالدارمەن جابدىقتالعان ەمدەۋ بٶلٸمشەلەرٸ مەن پالاتالاردى ارالاپ كٶردٸ.
«BI Group» قۇرىلىس حولدينگٸ ديرەكتورلار كەڭەسٸنٸڭ تٶراعاسى ايدىن راحىمباەۆ قاسىم-جومارت توقاەۆقا قۇرىلىس جۇمىستارىنىڭ بارىسى مەن اۋرۋحانانىڭ ەرەكشەلٸكتەرٸ تۋرالى ايتتى.
مەملەكەت باسشىسى اتالعان اۋرۋحانانىڭ مۇنداي تيپتەگٸ ەلٸمٸزدەگٸ العاشقى مەديتسينالىق مەكەمە ەكەنٸن اتاپ ٶتٸپ, عيماراتتى سالعان قۇرىلىسشىلارعا ريزاشىلىعىن بٸلدٸردٸ.
قازاقستان پرەزيدەنتٸ دەرٸگەرلەرمەن ەڭگٸمەلەسۋ بارىسىندا وتانداستارىمىزدىڭ دەنساۋلىعىن ساقتاۋ ٷشٸن قاجىرلى ەڭبەك ەتٸپ جاتقان مەديتسينا قىزمەتكەرلەرٸنە العىس ايتتى.
– سٸزدەر پاندەمييامەن كٷرەستە الدىڭعى شەپتە جۇمىس ٸستەپ جٷرسٸزدەر. سٸزدەرگە ريزاشىلىعىمىز شەكسٸز. كٷندٸز-تٷنٸ تىنباي ەڭبەك ەتٸپ جاتىرسىزدار. ٶكٸنٸشكە قاراي, الماتىدا دەرٸگەرلەرٸمٸزدٸ ٸندەتتەن قورعاي المادىق. قازٸر قالىپتاسقان تٶتەنشە جاعدايدى جويۋ ٷشٸن كٷرەسۋدەمٸز. سوندىقتان اباي بولعاندارىڭىز جٶن, ەڭ الدىمەن, ٶز دەنساۋلىقتارىڭىزدى ساقتاڭىزدار, – دەدٸ مەملەكەت باسشىسى.
قازاقستان پرەزيدەنتٸ ازاماتتارىمىزدىڭ دەنساۋلىعىن ساقتاۋ مەملەكەتتٸڭ الدىنداعى باستى مٸندەت ەكەنٸنە توقتالدى. ونىڭ ايتۋىنشا, بٷگٸنگٸ داعدارىستان دەنساۋلىعى مىقتى ۇلت قانا امان-ەسەن شىعادى.
– كەشەندٸ شارالار قابىلداۋ كەرەك. بٸز پوستكەڭەستٸك كەڭٸستٸكتە قاجەتتٸ شارالاردى ەڭ العاشقىلاردىڭ بٸرٸ بولىپ قابىلدادىق. ازاماتتارىمىزعا كارانتين رەجيمٸن ساقتاۋدىڭ وڭاي ەمەس ەكەنٸن تٷسٸنەمٸن. بٸراق بۇدان باسقا جول جوق. قالاي بولعاندا دا وسى ايدىڭ اياعىنا دەيٸن كارانتين رەجيمٸن ساقتايمىز. ارعى جاعىن تاعى دا قاراستىرامىز. مٷمكٸن, مەسەلەنٸ رەتتەۋدٸڭ جاڭا ەدٸستەرٸ تابىلار. ٶيتكەنٸ حالىق بٸرتٸندەپ ٷيلەرٸنەن شىعۋى كەرەك, – دەدٸ قاسىم-جومارت توقاەۆ.
مەملەكەت باسشىسى ەكونوميكانى قولداۋدىڭ ماڭىزدىلىعى جايىندا دا ايتتى.
– ەكونوميكالىق دامۋ, شاعىن جەنە ورتا بيزنەس تۋرالى دا ويلانۋ كەرەك. كٷندەلٸكتٸ ەڭبەك ەتٸپ, تٸرشٸلٸگٸن جاساپ جاتقان حالىق ٶز مٷمكٸندٸكتەرٸنەن ايىرىلىپ قالماۋى قاجەت. بۇل جٶنٸندە كەلەسٸ اپتاداعى تەلەۆيزييالىق ٷندەۋٸمدە ەگجەي-تەگجەيلٸ ايتامىن, – دەدٸ پرەزيدەنت.
قاسىم-جومارت توقاەۆ دەرٸگەرلەرمەن ەڭگٸمەلەسۋ كەزٸندە سانيتارلىق-ەپيدەميولوگييالىق قىزمەت جٷيەسٸن رەفورمالاۋ مەسەلەسٸنە توقتالدى.
– ەربٸر داعدارىستىڭ ٶز ساباعى بولادى. ونى ەسكەرۋ كەرەك. بٸز قازٸرگٸ داعدارىس پەن پاندەمييادان ساباق الىپ جاتىرمىز. شىن مەنٸندە, سوڭعى جىلدارى سانيتارلىق-ەپيدەميولوگييالىق قىزمەت جٷيەسٸن دامىتۋعا جەنە ونى قولداۋعا تيٸستٸ دەرەجەدە كٶڭٸل بٶلٸنبەدٸ. ەرينە, ونىڭ بەلگٸلٸ بٸر سەبەپتەرٸ بار. ونى سٸزدەر جاقسى بٸلەسٸزدەر. بٸز قازٸر دەنساۋلىق ساقتاۋ مينيسترلٸگٸنٸڭ جۇمىسىن قايتا قالىپتاستىرىپ جاتىرمىز. قاجەتتٸ رەفورمالار جٷرگٸزٸلەتٸن بولادى. اتاپ ايتقاندا, باس سانيتارلىق دەرٸگەردٸڭ ٶكٸلەتتٸگٸ كٷشەيتٸلەدٸ, – دەدٸ مەملەكەت باسشىسى.
مەديتسينا قىزمەتكەرلەرٸ قولداۋ كٶرسەتكەنٸ ٷشٸن مەملەكەت پەن پرەزيدەنتكە العىس ايتتى. سونداي-اق ولار دەرٸگەر-ينفەكتسيونيستەردٸڭ ەڭبەك اقىلارىن ارتتىرۋ مەسەلەسٸن كٶتەردٸ.
– بٸز قازٸر بيۋدجەتتٸڭ بارلىق قاراجاتىن شوعىرلاندىرىپ جاتىرمىز. سٸزدەر قازاقستاننىڭ وسىعان دەيٸن قالىپتاسقان دەستٷرلٸ نارىعىنىڭ قۇلدىراعانىن تٷسٸنۋگە تيٸسسٸزدەر. بيۋدجەتكە تٷسۋگە تيٸستٸ قارجىنىڭ نەگٸزگٸ بٶلٸگٸن تولىق الا الماي وتىرمىز. دەگەنمەن وسىنداي كٷردەلٸ قارجىلىق قيىندىقتارعا قاراماستان, سٸزدەردٸڭ ٶتٸنٸشتەرٸڭٸزدٸ قاراۋسىز قالدىرمايمىز, – دەدٸ قاسىم-جومارت توقاەۆ.
