قازاقستان پرەزيدەنتٸ ارىس قالاسىنداعى ەسكەري پوليگونعا باردى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ بىلتىر جارىلىس بولعان ارىس قالاسىنداعى №44859 ەسكەري بٶلٸمٸنە بارىپ, ونىڭ بٷگٸنگٸ جاعدايىمەن تانىستى. قورعانىس مينيسترٸ نۇرلان ەرمەكباەۆ ٶتكەن جىلعى جارىلىستان كەيٸن قويماداعى وق-دەرٸلەردٸ كەدەگە جاراتۋ جەنە ولاردى تاسىمالداۋ جۇمىستارى جايىندا باياندادى. سونىمەن قاتار ەسكەري بٶلٸمنٸڭ تەحنيكالىق ايماعىنداعى وق-دەرٸلەردٸڭ قالدىعىن تازالاۋ, جارىلعىش زاتتاردى زالالسىزداندىرۋ, بۇزىلعان عيماراتتاردى قايتا قالپىنا كەلتٸرۋ تۋرالى ايتتى. بۇدان بٶلەك قازاقستان پرەزيدەنتٸنە ەسكەري قۇرال-جابدىقتار مەن ارنايى تەحنيكالار تانىستىرىلدى.
مەملەكەت باسشىسى بۇل پوليگوننىڭ, اتالعان ەسكەري بٶلٸمنٸڭ ۇلتتىق قاۋٸپسٸزدٸكتٸ قامتاماسىز ەتۋدە ماڭىزدى رٶل اتقاراتىنىن اتاپ ٶتتٸ.
– قورعانىس مينيسترٸ جاڭا ماعان وق-دەرٸلەردٸڭ قاۋٸپسٸز قويمالاردا ساقتالىپ جاتقانىن جەنە ادامدارعا قاۋٸپ تۋدىرمايتىنىن باياندادى. دەگەنمەن بٸز ەندٸگٸ جەردە مۇنداي جارىلىستىڭ بولۋىنا ەشقاشان جول بەرمەۋٸمٸز كەرەك. بۇل مەسەلە ٶتە ماڭىزدى جەنە مەنٸڭ تٸكەلەي باقىلاۋىمدا بولادى, – دەدٸ پرەزيدەنت.
قاسىم-جومارت توقاەۆ وق-دەرٸلەردٸڭ قاۋٸپسٸز ساقتالۋىن قامتاماسىز ەتۋ ماقساتىندا ٷكٸمەتكە قازٸرگٸ زامانعا ساي قويمالار سالۋ ٷشٸن قاجەتتٸ شارالار قابىلداۋدى تاپسىردى. ولاردىڭ ەلدٸ مەكەندەردەن الىس جەرلەردە سالىنۋىن, جارامسىز وق-دەرٸلەردٸ ۋاقتىلى جويۋ قاجەتتٸگٸن دە ەسكەرتتٸ.
– ەسكەري-كٶلٸك اۆياتسيياسىن, رادياتسييالىق, حيمييالىق جەنە بيولوگييالىق قورعانىس كٷشتەرٸ مەن قۇرالدارىن, ينجەنەرلٸك ەسكەرلەردٸ, ەسكەري مەديتسينانى دامىتۋ قورعانىس مينيسترلٸگٸ جۇمىسىنىڭ باسىم باعىتتارىنىڭ بٸرٸ بولۋى تيٸس, – دەدٸ قاسىم-جومارت توقاەۆ.
بىلتىرعى جارىلىستان كەيٸن ارىس قالاسى تولىقتاي قايتا جاڭاردى. ەسكەري قىزمەتشٸلەر 450 مىڭنان استام وق-دەرٸ مەن جارىلعىش زات زالالسىزداندىردى. قويماداعى وق-دەرٸلەردٸ كٶشٸرۋگە دايىندىقتىڭ نەگٸزگٸ جۇمىستارى اياقتالدى.
