مەملەكەت باسشىسى قاسىم-جومارت توقاەۆ مەجٸلٸس تٶراعاسى ەرلان قوشانوۆتى قابىلدادى, - دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنتكە پارلامەنت مەجٸلٸسٸنٸڭ قازٸرگٸ زاڭ شىعارۋ قىزمەتٸ تۋرالى اقپارات بەرٸلدٸ. اتاپ ايتقاندا, مەجٸلٸس دەپۋتاتتارى "ادام قۇقىقتارى جٶنٸندەگٸ ۋەكٸل تۋرالى", "كونستيتۋتسييالىق سوت تۋرالى", "پروكۋراتۋرا تۋرالى" زاڭ جوبالارىن, سونداي-اق بٸرقاتار كونستيتۋتسييالىق جەنە باسقا دا زاڭدارعا ەنگٸزٸلەتٸن ٶزگەرٸستەردٸ قاراستىرىپ, سەناتقا جولدادى. اتالعان قۇجاتتاردى تالقىلاۋعا ساراپشىلار توبى قاتىستى جەنە قوعام مەن باق ٷشٸن جارييا تٷردە ٶتتٸ.
پالاتا ماقۇلداعان زاڭ جوبالارى بيىلعى 5 ماۋسىمدا ٶتكەن رەفەرەندۋمدا حالىق داۋىس بەرگەن كونستيتۋتسييالىق رەفورمالاردىڭ نەگٸزگٸ ەرەجەلەرٸن جٷزەگە اسىرۋعا باعىتتالعان. ەنگٸزٸلەتٸن زاڭ نورمالارى ازاماتتاردىڭ كونستيتۋتسييالىق قۇقىقتارىنىڭ قورعالۋىن كٷشەيتۋگە جەنە تۇرعىنداردىڭ ەلٸمٸزدٸڭ ساياسي ٶمٸرٸنە ارالاسۋ مٷمكٸندٸگٸن كەڭەيتۋگە سەپتٸگٸن تيگٸزەدٸ.
ەرلان قوشانوۆ قاسىم-جومارت توقاەۆقا پارلامەنتتٸك ديپلوماتييا جەنە شەت مەملەكەتتەردٸڭ زاڭ شىعارۋشى ورگاندارىمەن اراداعى ٸس-ەرەكەتتەر اياسىنداعى جۇمىستاردىڭ نەگٸزگٸ باسىمدىقتارى تۋرالى ايتتى.
مەجٸلٸس تٶراعاسى مەملەكەت باسشىسىنا تٷركييانىڭ يزنيك قالاسىندا ٶتكەن IV دٷنيەجٷزٸلٸك كٶشپەندٸلەر ويىندارىنىڭ سالتاناتتى اشىلۋ رەسٸمٸنە ەلٸمٸزدٸڭ دەلەگاتسيياسىنىڭ قاتىسقانى جٶنٸندە باياندادى. تٷركٸ قوعامداستىعى V دٷنيەجٷزٸلٸك كٶشپەندٸلەر ويىندارىن 2024 جىلى قازاقستاندا ٶتكٸزۋ جٶنٸندەگٸ ۇسىنىستى بٸراۋىزدان قولدادى.
