فوتو: اقوردا
پرەزيدەنت قاسىم-جومارت توقاەۆ قازاق-ماجار ينۆەستيتسييالىق دٶڭگەلەك ٷستەلٸنە قاتىستى, دەپ حابارلايدى Ult.kz.
مەملەكەت باسشىسى, ەڭ الدىمەن, ەكٸ ەل اراسىنداعى ەكونوميكالىق قارىم-قاتىناس قارقىندى دامىپ كەلە جاتقانىن اتاپ ٶتٸپ, بۋداپەشتكە العاشقى مەملەكەتتٸك ساپارى قازاق-ماجار ستراتەگييالىق سەرٸكتەستٸگٸنٸڭ جاڭا كەزەڭٸنە جول اشاتىنىن جەتكٸزدٸ.
"بيىل قازاقستان مەن ماجارستاننىڭ ستراتەگييالىق سەرٸكتەستٸك تۋرالى دەكلاراتسيياعا قول قويعانىنا 10 جىل تولدى. وسى ۋاقىت ارالىعىندا بٸز ٶزارا سەنٸم مەن ورتاق ماقساتتارعا نەگٸزدەلگەن تىعىز ىنتىماقتاستىقتىڭ ٸرگەسٸن قالادىق. ماجارستاننىڭ قازاقستانعا قۇيعان ينۆەستيتسيياسى 370 ميلليون دوللارعا جەتتٸ. ەلٸمٸزدە ماجارلاردىڭ 70-تەن استام كومپانيياسى تابىستى جۇمىس ٸستەپ جاتىر. ولاردىڭ قاتارىندا MOL Group جەنە Gedeon Richter سەكٸلدٸ كومپانييالار بار. قازٸرگٸ تاڭدا ماشينا جاساۋ, اۋىل شارۋاشىلىعى جەنە لوگيستيكا سالالارىندا جالپى ينۆەستيتسييا كٶلەمٸ 540 ميلليون دوللاردان اساتىن بٸرلەسكەن جوبالاردى جٷزەگە اسىرۋ مەسەلەسٸ پىسىقتالىپ جاتىر", – دەدٸ پرەزيدەنت.
مەملەكەت باسشىسى قازاقستان جاڭا ساياسي جەنە ەكونوميكالىق پاراديگماعا بەت بۇرعانىن ايتتى. بٸلٸم مەن يننوۆاتسييانى تۋ ەتكەن ٶزگەرٸستەر بۇل ٷدەرٸستٸڭ باستى قاعيداتىنا اينالادى.
پرەزيدەنت ماجارستان بيزنەسمەندەرٸنە ەنەرگەتيكا, سيرەك كەزدەسەتٸن ماتەريالداردى ٶندٸرۋ, كٶلٸك جەنە لوگيستيكا, اۋىل شارۋاشىلىعى, فارماتسەۆتيكا, تسيفرلاندىرۋ, قارجى نارىعى سەكٸلدٸ ماڭىزدى سالالاردا ينۆەستيتسييالىق ىنتىماقتاستىقتى نىعايتۋدىڭ كەلەشەگٸ زور ەكەنٸن مەلٸمدەدٸ.
قاسىم-جومارت توقاەۆ سٶزٸن قورىتىندىلاي كەلە, ماجار كومپانييالارىنىڭ باسشىلارىن كەلەسٸ جىلى مامىر ايىندا ٶتەتٸن استانا حالىقارالىق فورۋمىنا قاتىسۋعا شاقىردى.
ينۆەستيتسييالىق دٶڭگەلەك ٷستەل بارىسىندا ماجارستاننىڭ قارجى مينيسترٸ, قازاق-ماجار ەكونوميكالىق ىنتىماقتاستىعى جٶنٸندەگٸ ٷكٸمەتارالىق كوميسسييانىڭ تەڭ تٶراعاسى ميحاي ۆارگا مەن ٸرٸ كومپانييالاردىڭ جەتەكشٸلەرٸ سٶز سٶيلەدٸ.
جيىن قورىتىندىسى بويىنشا اۋىل شارۋاشىلىعى, كٶلٸك ينفراقۇرىلىمىن تسيفرلاندىرۋ, بٸلٸم سالالارىنا جەنە بٸرلەسكەن ينۆەستيتسييالىق جوبالاردى قولداۋعا قاتىستى 7 كوممەرتسييالىق قۇجاتقا قول قويىلدى.
