مەملەكەت باسشىسى قاسىم-جومارت توقاەۆ كسرو حالىق ەرتٸسٸ, قازاق حالقىنىڭ تانىمال ەنشٸسٸ ەلٸبەك دٸنٸشەۆكە "قازاقستاننىڭ ەڭبەك ەرٸ" اتاعىن بەرۋ تۋرالى جارلىققا قول قويدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"وتاندىق مەدەنيەتتٸ دامىتۋ مەن مۋزىكا ٶنەرٸن دەرٸپتەۋدەگٸ ايرىقشا ەڭبەگٸ ٷشٸن ەلٸبەك مۇساۇلى دٸنٸشەۆكە جوعارى دەرەجەلٸ ەرەكشەلٸك بەلگٸسٸ – "قازاقستاننىڭ ەڭبەك ەرٸ" اتاعى بەرٸلسٸن", - دەپ جازىلعان جارلىقتا.
وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.
تانىمال تەنور
قازكسر جەنە كسرو حالىق ەرتٸسٸ, تانىمال تەنور ەلٸبەك دٸنٸشەۆ 1951 جىلى 30 شٸلدە كٷنٸ الماتىدا دٷنيەگە كەلگەن. كەي دەرەكتەردە 7 شٸلدە دەپ جازادى.
اتا-اناسى بولاشاق جۇلدىزدى ەمٸرە قاشاۋباەۆ اتىنداعى مۋزىكالىق مەكتەپكە وقۋعا بەردٸ. ول اككوردەون اسپابىندا ويناۋدى يگەرۋگە كٸرٸستٸ. سونىمەن قاتار ٶزٸ وقيتىن №33 مەكتەپتٸڭ كٶركەم ٷيٸرمەسٸندە ەن ايتۋعا ماشىقتاندى, جارىستاردا بٸرٸنشٸ ورىنداردى جەڭٸپ الىپ جٷردٸ.
8-سىنىپتى اياقتاعان سوڭ مۋزىكالىق مەكتەپتەن پ.ي. چايكوۆسكيي اتىنداعى مۋزىكالىق ۋچيليششەگە تٷستٸ. 1970 جىلى قۇرمانعازى اتىنداعى كونسەرۆاتورييانىڭ ۆوكال فاكۋلتەتٸنە قابىلداندى. 1976 جىلى ەلٸبەك دٸنٸشەۆ كونسەرۆاتوريياداعى وقۋىن تەمامداپ, جامبىل اتىنداعى قازاق فيلارمونيياسىندا ەنشٸلٸككە كٸرٸستٸ. ول 1977 جىلى ريو-دە-جانەيرو قالاسىندا ٶتكەن ۆوكاليستەردٸڭ حالىقارالىق كونكۋرسىنا قاتىستى.
1978 جىلى قازكسر-نىڭ ەڭبەك سٸڭٸرگەن ەرتٸسٸ اتاعىنا يە بولدى.
