Memleket basshysy Qasym-Jomart Toqaev KSRO halyq ártisi, qazaq halqynyń tanymal ánshisi Álibek Dinishevke "Qazaqstannyń Eńbek Eri" ataǵyn berý týraly Jarlyqqa qol qoidy, dep habarlaidy "Ult aqparat" Aqordanyń baspasóz qyzmetine silteme jasap.
"Otandyq mádenietti damytý men mýzyka ónerin dáripteýdegi airyqsha eńbegi úshin Álibek Musauly Dinishevke joǵary dárejeli erekshelik belgisi – "Qazaqstannyń Eńbek Eri" ataǵy berilsin", - dep jazylǵan Jarlyqta.
Osy Jarlyq qol qoiylǵan kúninen bastap qoldanysqa engiziledi.
Tanymal tenor
QazKSR jáne KSRO halyq ártisi, tanymal tenor Álibek Dinishev 1951 jyly 30 shilde kúni Almatyda dúniege kelgen. Kei derekterde 7 shilde dep jazady.
Ata-anasy bolashaq juldyzdy Ámire Qashaýbaev atyndaǵy mýzykalyq mektepke oqýǵa berdi. Ol akkordeon aspabynda oinaýdy igerýge kiristi. Sonymen qatar ózi oqityn №33 mekteptiń kórkem úiirmesinde án aitýǵa mashyqtandy, jarystarda birinshi oryndardy jeńip alyp júrdi.
8-synypty aiaqtaǵan soń mýzykalyq mektepten P.I. Chaikovskii atyndaǵy mýzykalyq ýchilishege tústi. 1970 jyly Qurmanǵazy atyndaǵy konservatoriianyń vokal fakýltetine qabyldandy. 1976 jyly Álibek Dinishev konservatoriiadaǵy oqýyn támamdap, Jambyl atyndaǵy Qazaq filarmoniiasynda ánshilikke kiristi. Ol 1977 jyly Rio-de-Janeiro qalasynda ótken vokalisterdiń halyqaralyq konkýrsyna qatysty.
1978 jyly QazKSR-nyń eńbek sińirgen ártisi ataǵyna ie boldy.
