باكۋدە ٶتٸپ جاتقان ازيياداعى ٶزارا ٸس-قيمىل جەنە سەنٸم شارالارى كەڭەسٸنٸڭ 7-سامميتٸ اياسىندا پرەزيدەنت قاسىم-جومارت توقاەۆ يزرايل پرەزيدەنتٸ يتسحاك گەرتسوگپەن كەزدەستٸ. بۇل تۋرالى اقوردا باسپاسٶز قىزمەتٸ حابارلادى, دەپ جازادى ult.kz.
مەملەكەتتەر باسشىلارى قازاقستان-يزرايل قارىم-قاتىناسى قارقىندى سيپات العانىنا توقتالدى. سونداي-اق ساۋدا-ەكونوميكالىق جەنە ينۆەستيتسييالىق ىقپالداستىققا دەن قويا وتىرىپ, ماڭىزدى باعىتتار بويىنشا ىنتىماقتاستىقتى دامىتۋ پەرسپەكتيۆاسىن تالقىلادى.
قاسىم-جومارت توقاەۆ يتسحاك گەرتسوگتٸڭ سەۋٸر ايىندا استاناعا جاساعان ساپارى مەملەكەتتەر اراسىنداعى بايلانىستى نىعايتۋعا ايتارلىقتاي سەرپٸن بەرگەنٸنە نازار اۋداردى.
يزرايل پرەزيدەنتٸ دە قازاقستانعا ساپارىن ريزاشىلىقپەن ەسكە الدى. ونىڭ پٸكٸرٸنشە, ەلٸمٸزدٸڭ كٶپتەگەن سالادا العا باسۋى ەكٸجاقتى ىقپالداستىقتى ٸلگەرٸلەتۋگە جول اشادى.
يتسحاك گەرتسوگ قازاقستاننىڭ بەيبٸتشٸلٸك كەڭەسٸنە قوسىلۋىن قۇپتاپ, بۇل وقيعانىڭ بەيبٸتشٸلٸك پەن تۇراقتىلىقتى نىعايتۋعا قوسىلعان زور ٷلەس ەكەنٸن اتاپ ٶتتٸ.
سونداي-اق تاراپتار حالىقارالىق كٷن تەرتٸبٸندەگٸ ٶزەكتٸ مەسەلەلەر, سونىڭ ٸشٸندە تاياۋ شىعىستاعى احۋال جٶنٸندە پٸكٸر الماستى.
مەملەكەت باسشىسى شيەلەنٸستٸ بەسەڭدەتٸپ, قاقتىعىستاردى ديپلوماتييا قۇرالدارى ارقىلى رەتتەۋ قاجەتتٸگٸن جەتكٸزدٸ جەنە قازاقستاننىڭ وسى قاعيداتتى بەرٸك ۇستاناتىنىن ايتتى.
