بٷگٸن نيۋ-يوركتە بۇۇ باس اسسامبلەياسى 74-سەسسيياسىنىڭ جۇمىسى اياسىندا قازاقستان پرەزيدەنتٸ قاسىم-جومارت توقاەۆ بۇۇ باس حاتشىسى انتونيۋ گۋتەرريشپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا مەملەكەت باسشىسى ۇيىمنىڭ حالىقارالىق تۇراقتىلىق پەن قاۋٸپسٸزدٸكتٸ قولداۋداعى, حالىقارالىق قاقتىعىستاردىڭ الدىن الۋ مەن رەتتەۋدەگٸ باسشىلىق رٶلٸن اتاپ ٶتتٸ. قاسىم-جومارت توقاەۆ بۇۇ-نىڭ قازٸرگٸ زامان تالاپتارىنا ساي بەيٸمدەلۋٸندە انتونيۋ گۋتەرريشتٸڭ بەلسەندٸ قىزمەتٸن قولدايتىنىن بٸلدٸردٸ.
پرەزيدەنت بۇۇ با-نىڭ وسى سەسسيياسىندا كٶتەرٸلٸپ وتىرعان "كەدەيلٸكپەن كٷرەستٸ جان-جاقتى كٷشەيتۋدٸ ىنتالاندىرۋ, ساپالى بٸلٸم بەرۋگە, كليماتتىڭ ٶزگەرۋٸمەن كٷرەس جٶنٸندەگٸ ٸس-شارالارعا جەنە ينكليۋزيۆتٸلٸككە ىقپال ەتۋ" تاقىرىبى اسا ٶزەكتٸ مەسەلە ەكەنٸن اتاپ ٶتتٸ.
ونىڭ ايتۋىنشا, قازاقستان بۇۇ-نىڭ 2030 جىلعا دەيٸنگٸ تۇراقتى دامۋ ماقساتتارىن جٷزەگە اسىرۋعا ەزٸر. ٶيتكەنٸ بۇل قۇجات بٸزدٸڭ ەلدٸڭ الداعى ەكونوميكالىق جەنە ەلەۋمەتتٸك جاڭعىرتۋ مەسەلەلەرٸ بويىنشا جارييالاعان جوسپارىمەن ٷندەسەدٸ.
ٶز كەزەگٸندە انتونيۋ گۋتەرريش تۇراقتى دامۋ ماقساتتارىن ٸسكە اسىرۋدا قازاقستاننىڭ بٸرٸككەن ۇلتتار ۇيىمى جٷيەسٸمەن ٶزارا ٸس-قيمىلىنا وڭ باعا بەردٸ.
قازاقستاننىڭ جاھاندىق يادرولىق قارۋعا قارسى كٷنتەرتٸبٸندە جەتەكشٸ رٶل اتقاراتىنى, ٶڭٸرلٸك قاقتىعىستاردى رەتتەۋ ٸسٸندە حالىقارالىق كٷش جۇمىلدىرۋى, سونىڭ ٸشٸندە سيرييا مەسەلەسٸ بويىنشا ٶتكەن استانا پروتسەسٸ اياسىنداعى قوماقتى ٷلەسٸ ايتىلدى.
باس حاتشى قاسىم-جومارت توقاەۆقا 2019 جىلدىڭ مامىر ايىندا بۇۇ-نىڭ 16 ايماقتىق ٶكٸلدٸگٸن بٸر شاڭىراق استىنا بٸرٸكتٸرگەن الماتى قالاسىنداعى حالىقارالىق ۇيىمدار عيماراتىن اشقانى ٷشٸن العىس بٸلدٸردٸ.
كەزدەسۋ بارىسىندا قازاقستان مەن بۇۇ-نىڭ الداعى ٶزارا پراكتيكالىق ٸس-قيمىلىنىڭ پەرسپەكتيۆالارى, ونىڭ ٸشٸندە ەلٸمٸزدٸڭ حالىقارالىق ۇيىم اياسىندا بٸتٸمگەرشٸلٸك وپەراتسييالارعا قاتىسۋدى كەڭەيتۋ مٷمكٸندٸگٸ قارالدى.
سونىمەن قاتار, تاراپتار ەلەمدٸك ساياساتتىڭ بٸرقاتار ٶزەكتٸ مەسەلەلەرٸ بويىنشا دا پٸكٸر الماستى.
