Búgin Niý-Iorkte BUU Bas Assambleiasy 74-sessiiasynyń jumysy aiasynda Qazaqstan Prezidenti Qasym-Jomart Toqaev BUU Bas hatshysy Antoniý Gýterrishpen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysy Uiymnyń halyqaralyq turaqtylyq pen qaýipsizdikti qoldaýdaǵy, halyqaralyq qaqtyǵystardyń aldyn alý men retteýdegi basshylyq rólin atap ótti. Qasym-Jomart Toqaev BUU-nyń qazirgi zaman talaptaryna sai beiimdelýinde Antoniý Gýterrishtiń belsendi qyzmetin qoldaitynyn bildirdi.
Prezident BUU BA-nyń osy sessiiasynda kóterilip otyrǵan "Kedeilikpen kúresti jan-jaqty kúsheitýdi yntalandyrý, sapaly bilim berýge, klimattyń ózgerýimen kúres jónindegi is-sharalarǵa jáne inkliýzivtilikke yqpal etý" taqyryby asa ózekti másele ekenin atap ótti.
Onyń aitýynsha, Qazaqstan BUU-nyń 2030 jylǵa deiingi Turaqty damý maqsattaryn júzege asyrýǵa ázir. Óitkeni bul qujat bizdiń eldiń aldaǵy ekonomikalyq jáne áleýmettik jańǵyrtý máseleleri boiynsha jariialaǵan josparymen úndesedi.
Óz kezeginde Antoniý Gýterrish Turaqty damý maqsattaryn iske asyrýda Qazaqstannyń Birikken Ulttar Uiymy júiesimen ózara is-qimylyna oń baǵa berdi.
Qazaqstannyń jahandyq iadrolyq qarýǵa qarsy kúntártibinde jetekshi ról atqaratyny, óńirlik qaqtyǵystardy retteý isinde halyqaralyq kúsh jumyldyrýy, sonyń ishinde Siriia máselesi boiynsha ótken Astana protsesi aiasyndaǵy qomaqty úlesi aityldy.
Bas hatshy Qasym-Jomart Toqaevqa 2019 jyldyń mamyr aiynda BUU-nyń 16 aimaqtyq ókildigin bir shańyraq astyna biriktirgen Almaty qalasyndaǵy Halyqaralyq uiymdar ǵimaratyn ashqany úshin alǵys bildirdi.
Kezdesý barysynda Qazaqstan men BUU-nyń aldaǵy ózara praktikalyq is-qimylynyń perspektivalary, onyń ishinde elimizdiń halyqaralyq uiym aiasynda bitimgershilik operatsiialarǵa qatysýdy keńeitý múmkindigi qaraldy.
Sonymen qatar, taraptar álemdik saiasattyń birqatar ózekti máseleleri boiynsha da pikir almasty.
