مەملەكەت باسشىسى «BIZ BIRGEMIZ» جالپىۇلتتىق ونلاين فورۋمىنا قاتىستى, دەپ حابارلايدى اقوردانىڭ باسپاسٶز قىزمەتٸ.
پرەزيدەنت قاسىم-جومارت توقاەۆ ٶز سٶزٸندە ەلەمنٸڭ بارلىق ەلٸ, ونىڭ ٸشٸندە قازاقستاننىڭ دا كوروناۆيرۋس ٸندەتٸنە قارسى كٷرەسٸپ جاتقانىن ايتتى. وسىعان وراي, مەملەكەت تاراپىنان قولعا الىنعان اسا ماڭىزدى شارالار توقتالدى.
– كوروناۆيرۋسپەن كٷرەسۋ ٷشٸن بيۋدجەتتەن قوماقتى قاراجات بٶلٸندٸ. تۇرمىسى تٶمەن وتباسىلارعا ازىق-تٷلٸك تاراتىلدى. شاعىن جەنە ورتا بيزنەس ٶكٸلدەرٸنە بٸرقاتار جەڭٸلدٸك جاسالدى. ەلباسىنىڭ باستاماسىمەن قۇرىلعان «بٸرگەمٸز» قورىنان دا كٶلەمدٸ قارجى بٶلٸنٸپ, مۇقتاج جاندارعا ناقتى كٶمەك بەرٸلٸپ جاتىر. بۇل جۇمىستى «Nur Otan» پارتيياسى بەلسەندٸ تٷردە جٷزەگە اسىرۋدا. وسىنىڭ بەرٸ بٸرلٸگٸمٸزدٸڭ بەكەمدٸگٸن كٶرسەتەدٸ, – دەدٸ مەملەكەت باسشىسى.
فورۋم بارىسىندا قاسىم-جومارت توقاەۆ ٸندەتتەن قايتىس بولعان ازاماتتاردىڭ تۋىستارى مەن جاقىندارىنا كٶڭٸل ايتىپ, ۆيرۋس جۇقتىرعانداردىڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ. پرەزيدەنت حالىقتى وسىنداي قيىن-قىستاۋ كەزەڭدە زور جاۋاپكەرشٸلٸك تانىتىپ, ٶزدەرٸنٸڭ, تۋىستارىنىڭ جەنە جاقىندارىنىڭ دەنساۋلىقتارىنا جاناشىرلىقپەن قاراۋعا شاقىردى. مەملەكەت باسشىسى حالقىمىزدىڭ اۋىزبٸرشٸلٸك, سابىرلىق, جاناشىرلىق سەكٸلدٸ دەستٷرلٸ قۇندىلىقتارىن اتاپ ٶتٸپ, مەديتسينا جەنە پوليتسييا قىزمەتكەرلەرٸنە, ەسكەري جەنە مەملەكەتتٸك قىزمەتشٸلەرگە, ۆولونتەرلەر مەن جۋرناليستەرگە, سونداي-اق, قايىرىمدىلىق جاساعان ادامدارعا ريزاشىلىق بٸلدٸردٸ.
– دەرٸگەرلەر, مەدبيكەلەر, سانيتارلار مەن جەدەل جەردەم قىزمەتكەرلەرٸ! ەپيدەمييامەن كٷرەستە ەڭ اۋىر جۇمىس سٸزدەرگە جٷكتەلدٸ. سٸزدەر كٷن سايىن بٷكٸل ەلگە ەرٸك-جٸگەردٸڭ, قايسارلىقتىڭ, باتىلدىقتىڭ ەرەن ٷلگٸسٸن كٶرسەتٸپ كەلەسٸزدەر. بٸز بۇدان ناعىز پاتريوتيزمدٸ كٶرەمٸز. اسا قيىن جاعدايلاردا ەرلٸككە تەن ەرەكەت جاسايتىندارىڭىزدى بٸلەمٸن. پاندەمييانىڭ قايتا ٶرشٸپ, اۋقىمى كەڭەيە تٷسكەن كەزدە سٸزدەر قورعانىس كيٸمدەرٸنٸڭ, قاجەتتٸ دەرٸ-دەرمەكتەردٸڭ, ناۋقاستارعا ارنالعان ورىنداردىڭ جەتٸسپەۋشٸلٸگٸ جەنە باسقا دا قيىندىقتارمەن بەتپە-بەت كەلٸپ وتىرسىزدار. بٸز بۇل پروبلەمالاردى جاقىن ارادا شەشەمٸز. اتالعان جاعدايدى شۇعىل رەتكە كەلتٸرۋ ٷشٸن ٷكٸمەتكە ناقتى تاپسىرما بەرٸلدٸ, – دەدٸ پرەزيدەنت.
مەملەكەت باسشىسى قازاقستانداعى ەربٸر 100 مىڭ ادامعا شاققاندا 80-نەن اسا ازاماتتىڭ دەرتكە شالدىققانىن جەنە مۇنىڭ ەلەمدٸك ستاتيستيكا بويىنشا ورتاشا كٶرسەتكٸش ەكەنٸن ايتتى. ناۋقاستار ساپالى ەم قابىلداپ جاتىر. بٸر توپ مەديتسينا قىزمەتكەرٸ جانكەشتٸ ەڭبەكتەرٸ ٷشٸن مەملەكەتتٸك وردەن-مەدالدارمەن ماراپاتتالدى.
سونىمەن قاتار قاسىم-جومارت توقاەۆ قۇقىق قورعاۋ ورگاندارىنىڭ جۇمىسىن دا جوعارى باعالادى.
– قوعامداعى تۇراقتىلىق پەن تىنىشتىق پوليتسييانىڭ مٸنسٸز قىزمەتٸنە بايلانىستى. بٷگٸندە كارانتين شارالارىنىڭ ساقتالۋىن قاداعالاپ, بەكەتتەردە قىزمەت ەتٸپ كەلەسٸزدەر. بۇل - وڭاي جۇمىس ەمەس. تٸپتٸ, قوعام ٶكٸلدەرٸ تاراپىنان سىنعا ۇشىراعان كەزدەرٸڭٸز دە بولدى. دەگەنمەن تەرتٸپ ساقشىلارىنىڭ باسىم بٶلٸگٸ – ادال قىزمەت ەتٸپ جاتقان ازاماتتار. مۇنى ەشكٸم جوققا شىعارا المايدى, – دەدٸ پرەزيدەنت.
مەملەكەت باسشىسىنىڭ ايتۋىنشا, تٶتەنشە جاعداي رەجيمٸن توقتاتقاننان كەيٸن ازاماتتارىمىز بوساڭسىپ كەتكەن, قاۋٸپ-قاتەردٸ ەلەمەگەن, مەديتسينالىق تەرتٸپ پەن ەسكەرتۋلەردٸ ساقتاماعان, تٸپتٸ, كەيبٸر ادامدار مۇنداي اۋرۋ جوق دەگەن قاۋەسەتكە سەنگەن. سوندىقتان ٷكٸمەت كارانتين شارالارىن قايتا كٷشەيتتٸ. بٸراق بۇل كٶڭٸل-كٷيدٸ تٷسٸرٸپ, سارىۋايىمعا سالىنۋعا سەبەپ ەمەس. قاسىم-جومارت توقاەۆ ەلٸمٸز تولىققاندى, قالىپتى تٸرشٸلٸگٸن جالعاستىرا بەرۋ كەرەك دەپ سانايدى.
– بٷكٸل ەلەمدەگٸ ادامدار كارانتين كەزٸندە وتباسىلارىمەن اراداعى قارىم-قاتىناستى قالاي بەكٸتە تٷسكەنٸ, بالالارىنا كٶپ كٶڭٸل بٶلٸپ, ولاردىڭ پروبلەمالارى مەن الاڭداۋشىلىعىنا ۋاقىت ارناعانى تۋرالى ٶز تەجٸريبەلەرٸمەن بٶلٸسۋدە. سۋرەتشٸلەر, مۋزىكانتتار, اقىن-جازۋشىلار كارانتين ۋاقىتىندا شىعارماشىلىقپەن ٶنٸمدٸ اينالىسقاندارىن ايتۋدا. ياعني, ەربٸر قيىندىقتىڭ ٶز قايىرى بولادى. ەربٸر داعدارىس جاڭا مٷمكٸندٸكتەرگە جول اشادى. بٸز بۇل داعدارىستى بٸرلەسە وتىرىپ مٸندەتتٸ تٷردە جەڭەمٸز, ودان رۋحىمىزدى شىڭداپ, دٷنيەگە دەگەن كٶزقاراسىمىزدى ٶزگەرتٸپ شىعامىز, – دەدٸ مەملەكەت باسشىسى.
«BIZ BIRGEMIZ» اتتى جالپىۇلتتىق ونلاين فورۋمى اياسىندا كوروناۆيرۋسقا قارسى كٷرەستە الدىڭعى شەپتە جٷرٸپ, ەرلٸك كٶرسەتكەن بٸرقاتار ازامات قازاقستان پرەزيدەنتٸ تاعايىنداعان «حالىق العىسى» ارناۋلى مەدالٸمەن ماراپاتتالدى. سونىمەن قاتار ەلوردادا پاندەمييامەن كٷرەستەگٸ ازاماتتارىمىزدىڭ ەرلٸگٸن مەڭگٸ ەستە ساقتاۋ ٷشٸن ەسكەرتكٸش ورناتىلادى.
