فوتو: Akorda.kz
مەملەكەت باسشىسى جامبىل وبلىسىنا جۇمىس ساپارى بارىسىندا بايزاق اۋدانى تالاس اۋىلىندا ورنالاسقان «قوستٶبە-2019» اۋىل شارۋاشىلىعى ٶندٸرٸستٸك كووپەراتيۆٸنٸڭ جۇمىسىمەن تانىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنتكە «اۋىل اماناتى» باعدارلاماسىنىڭ جٷزەگە اسىرىلۋ بارىسى جٶنٸندە باياندالدى. سونداي-اق وبلىستاعى جايىلىمدىق جەرلەردٸڭ كٶلەمٸن ۇلعايتۋ, اۋىل شارۋاشىلىعى جەرلەرٸن تيٸمدٸ پايدالانۋ بويىنشا اتقارىلعان جۇمىستار جٶنٸندە مەلٸمەت بەردٸ.
اتالعان باعدارلاما جامبىل وبلىسىندا 2019 جىلدان بەرٸ «جامبىل وبلىسى تۇرعىندارىنىڭ تۇرمىستىق تابىسىن ارتتىرۋ» اتاۋىمەن جٷزەگە اسىرىلىپ, وڭ نەتيجەلەر كٶرسەتتٸ.
بۇل جوبا بويىنشا 2025 جىلعا دەيٸن جامبىل وبلىسىنىڭ 153 اۋىلدىق وكرۋگ حالقىنا 2,5 پايىز مٶلشەرلەمەمەن 87,8 ميلليارد تەڭگە نەسيە بەرۋ كٶزدەلگەن.
سونىڭ بٸرٸ – وسى قوستٶبە اۋىلدىق وكرۋگٸ. باعدارلامانىڭ بەس باعىتى بويىنشا قوستٶبەنٸڭ 256 اۋىل تۇرعىنىنا كەسٸپپەن اينالىسۋعا 886 ميلليون تەڭگەدەن استام نەسيە بەرٸلگەن. بۇل قارجى اۋىل حالقىنا تٶرت تٷلٸك مال, باۋ-باقشا ٶسٸرۋمەن, باسقا دا كەسٸپپەن اينالىسىپ, وتباسىلىق تابىسىن ارتتىرۋ ٷشٸن بٶلٸندٸ.
سونداي-اق «قوستٶبە-2019» كووپەراتيۆٸنە ليزينگ ارقىلى اۋىل شارۋاشىلىعى تەحنيكالارىن الۋعا جەڭٸلدەتٸلگەن نەسيە بەرٸلدٸ. قازٸر كووپەراتيۆ قاراماعىندا 12 اۋىل شارۋاشىلىعى تەحنيكاسى مەن 401 گەكتار جەرٸ بار. وعان 175 ادام مٷشە. ولاردىڭ قاتارى بٸرتٸندەپ كٶبەيٸپ كەلەدٸ. كووپەراتيۆ مٷشەلەرٸ باقشا داقىلدارىن ٶسٸرۋمەن قاتار, مال شارۋاشىلىعىنا جەم-شٶپ ەزٸرلەۋمەن شۇعىلدانادى.
جالپى, «اۋىل اماناتى» باعدارلاماسىن رەسپۋبليكانىڭ بارلىق ٶڭٸرٸندە جٷزەگە اسىرۋ ٷشٸن وبلىس ەكٸمدٸكتەرٸنە 2023 جىلى 52,4 ميلليارد تەڭگە بٶلٸنەدٸ. بۇل قارجىعا 11606 ميكروكرەديت, ونىڭ ٸشٸندە جامبىل وبلىسى بويىنشا 11,5 ميلليارد تەڭگە كٶلەمدە 3,6 مىڭ ميكروكرەديت بەرۋ جوسپارلانىپ وتىر.
سونداي-اق رەسپۋبليكالىق بيۋدجەتتٸ ناقتىلاۋ اياسىندا وبلىس ەكٸمدەرٸ 2023 جىلى اۋىل حالقىنا قوسىمشا 15090 ميكروكرەديت بەرۋ ٷشٸن 73,5 ميلليارد تەڭگەگە ٶتٸنٸم بەردٸ.
سونىمەن قاتار مەملەكەت باسشىسى «قوستٶبە-2019» كووپەراتيۆٸندە وبلىستاعى اۋىل شارۋاشىلىعى ٶنٸمٸن ٶندٸرۋشٸ شارۋالارمەن كەزدەستٸ. پرەزيدەنت اۋىل شارۋاشىلىعى كووپەراتيۆتەرٸن قۇرۋدىڭ وڭ تەجٸريبەسٸن ەلٸمٸزدٸڭ باسقا دا ٶڭٸرلەرٸندە تاراتۋدىڭ ماڭىزدى ەكەنٸن اتاپ ٶتتٸ.
– جالپى, اۋىل شارۋاشىلىعىنا ايرىقشا مەن بەرٸپ وتىرمىز. پرەزيدەنت بولىپ سايلاعاننان كەيٸن, ەڭ الدىمەن, اۋىلدىق اۋماقتاردى دامىتۋ تۇجىرىمداسىن ەزٸرلەۋ تۋرالى جارلىققا قول قويدىم. الداعى ٷش جىلدا كووپەراتسييالاردى دامىتۋعا 1 تريلليون تەڭگە بٶلەمٸز. وسى قوماقتى قارجىنى تيٸمدٸ پايدالانۋ كەرەك. مەملەكەت اۋىل شارۋاشىلىعى ەڭبەككەرلەرٸنە ەرقاشان قولداۋ بٸلدٸرەدٸ, – دەدٸ پرەزيدەنت.
بۇل مٸندەت سايلاۋالدى باعدارلاماسىنا ەنگٸزٸلگەنٸن, سوندىقتان ونىڭ ورىندالۋ بارىسى پرەزيدەنت ەكٸمشٸلٸگٸنٸڭ تٸكەلەي باقىلاۋىندا بولاتىنىن ەسكەرتتٸ.
