Foto: Akorda.kz
Memleket basshysy Jambyl oblysyna jumys sapary barysynda Baizaq aýdany Talas aýylynda ornalasqan «Qostóbe-2019» aýyl sharýashylyǵy óndiristik kooperativiniń jumysymen tanysty, dep habarlaidy "Ult aqparat" Aqordanyń baspasóz qyzmetine silteme jasap.
Prezidentke «Aýyl amanaty» baǵdarlamasynyń júzege asyrylý barysy jóninde baiandaldy. Sondai-aq oblystaǵy jaiylymdyq jerlerdiń kólemin ulǵaitý, aýyl sharýashylyǵy jerlerin tiimdi paidalaný boiynsha atqarylǵan jumystar jóninde málimet berdi.
Atalǵan baǵdarlama Jambyl oblysynda 2019 jyldan beri «Jambyl oblysy turǵyndarynyń turmystyq tabysyn arttyrý» ataýymen júzege asyrylyp, oń nátijeler kórsetti.
Bul joba boiynsha 2025 jylǵa deiin Jambyl oblysynyń 153 aýyldyq okrýg halqyna 2,5 paiyz mólsherlememen 87,8 milliard teńge nesie berý kózdelgen.
Sonyń biri – osy Qostóbe aýyldyq okrýgi. Baǵdarlamanyń bes baǵyty boiynsha Qostóbeniń 256 aýyl turǵynyna kásippen ainalysýǵa 886 million teńgeden astam nesie berilgen. Bul qarjy aýyl halqyna tórt túlik mal, baý-baqsha ósirýmen, basqa da kásippen ainalysyp, otbasylyq tabysyn arttyrý úshin bólindi.
Sondai-aq «Qostóbe-2019» kooperativine lizing arqyly aýyl sharýashylyǵy tehnikalaryn alýǵa jeńildetilgen nesie berildi. Qazir kooperativ qaramaǵynda 12 aýyl sharýashylyǵy tehnikasy men 401 gektar jeri bar. Oǵan 175 adam múshe. Olardyń qatary birtindep kóbeiip keledi. Kooperativ músheleri baqsha daqyldaryn ósirýmen qatar, mal sharýashylyǵyna jem-shóp ázirleýmen shuǵyldanady.
Jalpy, «Aýyl amanaty» baǵdarlamasyn respýblikanyń barlyq óńirinde júzege asyrý úshin oblys ákimdikterine 2023 jyly 52,4 milliard teńge bólinedi. Bul qarjyǵa 11606 mikrokredit, onyń ishinde Jambyl oblysy boiynsha 11,5 milliard teńge kólemde 3,6 myń mikrokredit berý josparlanyp otyr.
Sondai-aq respýblikalyq biýdjetti naqtylaý aiasynda oblys ákimderi 2023 jyly aýyl halqyna qosymsha 15090 mikrokredit berý úshin 73,5 milliard teńgege ótinim berdi.
Sonymen qatar Memleket basshysy «Qostóbe-2019» kooperativinde oblystaǵy aýyl sharýashylyǵy ónimin óndirýshi sharýalarmen kezdesti. Prezident aýyl sharýashylyǵy kooperativterin qurýdyń oń tájiribesin elimizdiń basqa da óńirlerinde taratýdyń mańyzdy ekenin atap ótti.
– Jalpy, aýyl sharýashylyǵyna airyqsha mán berip otyrmyz. Prezident bolyp sailaǵannan keiin, eń aldymen, Aýyldyq aýmaqtardy damytý tujyrymdasyn ázirleý týraly Jarlyqqa qol qoidym. Aldaǵy úsh jylda kooperatsiialardy damytýǵa 1 trillion teńge bólemiz. Osy qomaqty qarjyny tiimdi paidalaný kerek. Memleket aýyl sharýashylyǵy eńbekkerlerine árqashan qoldaý bildiredi, – dedi Prezident.
Bul mindet sailaýaldy baǵdarlamasyna engizilgenin, sondyqtan onyń oryndalý barysy Prezident Ákimshiliginiń tikelei baqylaýynda bolatynyn eskertti.
