فوتو: قر مەدەنيەت جەنە اقپارات مينيسترلٸگٸ
استانادا قازاقستاننىڭ ەڭبەك سٸڭٸرگەن قايراتكەرٸ, قر مەملەكەتتٸك سىيلىعى جەنە «قۇرمەت», «وتان» وردەندەرٸنٸڭ يەگەرٸ اقۇشتاپ باقتىگەرەەۆانىڭ 80 جىلدىق مەرەيتويىنا ارنالعان ٸس-شارا ٶتتٸ, دەپ حابارلايدى Ult.kz.
وعان قر پارلامەنتٸ سەناتىنىڭ تٶراعاسى مەۋلەن ەشٸمباەۆ, قر پارلامەنتٸ مەجٸلٸسٸنٸڭ تٶاعاسى ەرلان قوشانوۆ, قر مەدەنيەت جەنە اقپارات مينيسترٸ ايدا بالاەۆا قاتىستى.
ٸس-شارادا ايدا بالاەۆا پرەزيدەنت قاسىم-جومارت توقاەۆتىڭ قۇتتىقتاۋ حاتىن وقىپ بەردٸ.
«حالقىمىز ٶزٸڭٸزدٸ مەدەنيەتٸمٸز بەن ٶنەرٸمٸزدٸ ٶركەندەتۋگە ٷلەس قوسىپ كەلە جاتقان قارىمدى قالامگەر, كٶرنەكتٸ قوعام قايراتكەرٸ رەتٸندە جاقسى بٸلەدٸ جەنە قۇرمەتتەيدٸ. ەڭبەك جولىندا بٸرقاتار وتاندىق گازەت-جۋرنالدار مەن باسپادا جەمٸستٸ جۇمىس جاساپ, ۇلتتىق ەدەبيەتٸمٸزدٸڭ ٸلگەرٸ باسۋىنا كٷش-قايراتىڭىزدى جۇمسادىڭىز. قازاق پوەزيياسىنا ٶزٸندٸك ٶرنەگٸڭٸزبەن كەلٸپ, ايشىقتى ويلار مەن ايرىقشا دارا شۋماقتارىڭىزبەن تانىلدىڭىز. ەلٸمٸزدٸڭ مەرتەبەسٸن اسقاقتاتقان تەۋەلسٸزدٸك پەن بەيبٸت ٶمٸردٸ جەنە تابيعات سۇلۋلىعىن ارقاۋ ەتكەن جالىندى جىرلارىڭىزدى تالعامى بيٸك وقىرمان جىلى قابىل الدى. سونىمەن قاتار, وتباسى قۇندىلىقتارى, قىز بالانىڭ تەربيەسٸ, انانىڭ قوعامداعى رٶلٸ تۋرالى پايىمدى پٸكٸرلەرٸڭٸز قولداۋ تاۋىپ كەلەدٸ. الداعى ۋاقىتتا ەل-جۇرتتىڭ ورتاسىندا سىي-قۇرمەتكە بٶلەنٸپ, شىعارماشىلىق ٸزدەنٸستەرٸڭٸز تابىستى بولا بەرۋٸنە تٸلەكتەسپٸن. سٸزگە مىقتى دەنساۋلىق جەنە وتباسىڭىزعا باق-بەرەكە تٸلەيمٸن!», – دەلٸنگەن قۇتتىقتاۋ حاتتا.
فوتو: قر مەدەنيەت جەنە اقپارات مينيسترلٸگٸ
ٶز سٶزٸندە ايدا بالاەۆا اقىندى مەرەيلٸ جاسىمەن قۇتتىقتاپ, قالامگەر شىعارماشىلىعىنىڭ ۇرپاق تەربيەسٸ, جاستاردىڭ بويىنا رۋحاني قۇندىلىقتاردى سٸڭٸرۋگە زور ٷلەس قوسقانىن اتاپ ٶتتٸ.
«پرەزيدەنت اتاپ ٶتكەندەي, قازاق ەدەبيەتٸندە اقۇشتاپ باقتىگەرەەۆانىڭ ٶزٸندٸك ٶرنەگٸ, ورىنى بٶلەك. سەبەبٸ اقىن اپامىزدىڭ ٶلەڭدەرٸ ەر قازاقتىڭ جٷرەگٸنە جاقىن. ونىڭ پوەزيياسى ەرەكشە سىرشىلدىقپەن, سەزٸمتالدىقپەن ٶرٸلگەن. قالامگەردٸڭ قازاق ەيەلٸنٸڭ بەينەسٸن اسقاقتاتقان بٸرەگەي تۋىندىلارىن ەرەكشە اتاپ ٶتكٸم كەلەدٸ. ەل اناسى, ۇلت تەربيەسٸنٸڭ جاناشىرى رەتٸندە قۇندىلىقتارىمىزدى قاستەرلەۋگە, قازاق قىزدارىنا پاراسات پەن تەربيە نەرٸن سٸڭٸرۋگە زور ٷلەس قوسىپ كەلەدٸ», – دەدٸ ا. بالاەۆا.
فوتو: قر مەدەنيەت جەنە اقپارات مينيسترلٸگٸ
سونداي-اق, مينيستر مەرەيتويعا وراي تٷرلٸ ٸس-شارالار, ەدەبي كەشتەر ۇيىمداستىرىلىپ جاتقانىن ايتتى.
اتاپ ايتساق, كەشە اقىن مەرەيتويىنا وراي قازاق ۇلتتىق ٶنەر ۋنيۆەرسيتەتٸندە ەدەبي-سازدى كەشٸ بولىپ ٶتتٸ.
ال, بٷگٸن ق.قۋانىشباەۆ اتىنداعى قازاق ۇلتتىق-مۋزىكالىق تەاترىندا باتىس قازاقستان وبلىستىق حاديشا بٶكەەۆا اتىنداعى قازاق دراما تەاترى اقۇشتاپ باقتىگەرەەۆا مەن دراماتۋرگ مەدينا وماروۆانىڭ ستسەناريٸمەن ەزٸرلەنگەن «جۇبان» پوەتيكالىق دراماسى ساحنالاندى.
فوتو: قر مەدەنيەت جەنە اقپارات مينيسترلٸگٸ
قر ۇلتتىق اكادەمييالىق كٸتاپحاناسىندا «الاشتىڭ اقۇشتابى» اتتى ەدەبي كەزدەسۋ ٶتكٸزٸلدٸ. كەزدەسۋدە اقىننىڭ «مەنٸڭ فاريزام» اتتى جاڭا كٸتابىنىڭ تۇساۋكەسەرٸ ٶتكٸزٸلدٸ. اقىن بۇل كٸتابىندا قازاق ەيەلدەرٸ اراسىنان شىققان بٸرەگەي قالامگەر فاريزا وڭعارسىنوۆانىڭ ٶمٸر جولى تۋرالى سىر شەرتەدٸ.
سونىمەن قاتار, ل. گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە اقۇشتاپ باقتىگەرەەۆانىڭ وقىرماندارمەن كەزدەسۋٸ ۇيىمداستىرىلدى.
