ەلەۋمەتتٸك جەلٸدە كەڭٸنەن تاراعان جەتٸساي اۋدانىنداعى تويدا ايتىلعان داۋلى ۋاعىزعا قاتىستى ادۆوكات ايانحان وماروۆ قازاقستان رەسپۋبليكاسى ۇلتتىق قاۋٸپسٸزدٸك كوميتەتٸنە رەسمي ارىز جولداعانىن مەلٸمدەدٸ, دەپ حابارلايدى ult.kz.
ونىڭ ايتۋىنشا, قازاقستان – زايىرلى ەرٸ قۇقىقتىق مەملەكەت, سوندىقتان قوعامدا ەلەۋمەتتٸك نەمەسە دٸني الاۋىزدىقتى قوزدىرۋى مٷمكٸن مەلٸمدەمەلەرگە قۇقىقتىق تۇرعىدان باعا بەرٸلۋٸ قاجەت.
ادۆوكاتتىڭ پٸكٸرٸنشە, ەلەۋمەتتٸك جەلٸدە تاراعان بەينەجازبادا ەيەلدەردٸ كەمسٸتەتٸن سٶزدەر ايتىلىپ, ەرلەر مەن ەيەلدەردٸ بٶلەك وتىرعىزۋ جەنە قوعامدىق ٶمٸرگە دٸني قاعيدالاردى مٸندەتتٸ تەرتٸپ رەتٸندە ەنگٸزۋ ناسيحاتتالعان.
«بۇل مەسەلە تەك بٸر ادامنىڭ پٸكٸرٸ ەمەس. ەگەر جارييا ايتىلعان سٶزدەر قوعامدا ەلەۋمەتتٸك نەمەسە دٸني الاۋىزدىقتى قوزدىرۋعا, ازاماتتاردىڭ ار-نامىسى مەن قادٸر-قاسيەتٸن كەمسٸتۋگە, قوعامدى قارسى توپتارعا بٶلۋگە باعىتتالعان بولسا, وندا وعان قۇقىقتىق باعا بەرٸلۋٸ تيٸس», – دەپ جازدى ايانحان وماروۆ.
وسىعان بايلانىستى ادۆوكات اتالعان جاعدايدى قۇقىق قورعاۋ ورگاندارىنىڭ تەكسەرۋٸن سۇراپ, قازاقستان رەسپۋبليكاسى ۇلتتىق قاۋٸپسٸزدٸك كوميتەتٸنە رەسمي ارىز جولداعانىن حابارلادى.
ەسكە سالايىق, بۇعان دەيٸن جەتٸساي اۋدانىنداعى تويدا سٶز سٶيلەگەن ەر ادامنىڭ ەيەلدەردٸ كەمسٸتٸپ, ەنشٸلەردٸ «شايتاننىڭ ازانشىسى» دەپ اتاعان ۆيدەوسى ەلەۋمەتتٸك جەلٸلەردە كەڭٸنەن تاراعان ەدٸ. وقيعاعا بايلانىستى مەملەكەتتٸك كەڭەسشٸ ەرلان قارين پٸكٸر بٸلدٸرٸپ, قازاقستاننىڭ زايىرلى مەملەكەت ەكەنٸن جەنە مۇنداي ەرەكەتتەردٸڭ ۇلتتىق بولمىسقا قايشى كەلەتٸنٸن ايتقان. كەيٸن قازاقستان مۇسىلماندارى دٸني باسقارماسى دا رەسمي مەلٸمدەمە جاساپ, ەيەلدەردٸ كەمسٸتۋ مەن ٶنەر ٶكٸلدەرٸن جالپىلاما ايىپتاۋ يسلام ەدەبٸنە ساي كەلمەيتٸنٸن اتاپ ٶتتٸ.
