كوروناۆيرۋس ٸندەتٸنەن قايتىس بولعانداردى جاسىرىپ قالۋ مٷمكٸن ەمەس. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى "ۇلت اقپارات".
«بٷگٸندە ەشكٸم ەشتەڭەنٸ جاسىرايىن دەپ وتىرعان جوق. ەسٸرەسە, قايعىلى جاعدايعا اپاراتىن دٷنيەنٸڭ بەرٸن جاسىرۋ مٷمكٸن ەمەس قوي. سوندىقتان ونىڭ بەرٸ قارالادى, باعا بەرٸلەدٸ. بۇل - بٸر. ەكٸنشٸدەن, وسى ەپيدەميولوگييالىق احۋالعا, كوروناۆيرۋسقا بايلانىستى ەر وبلىستىڭ جاعدايى كٷندە تاڭەرتەڭگٸ 9-00-دە شتابتا ارنايى قارالادى. ونىڭ ٸشٸندە وبلىستاعى جاعداي, سول وبلىستاعى اۋدان نە بولماسا ٸرٸ كومپانيياداعى جاعداي قارالۋى مٷمكٸن», - دەدٸ ەرالى توعجانوۆ ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, بٷگٸن مەسەلەن, اتىراۋ وبلىسى ارنايى قارالعان. ٶيتكەنٸ بۇل وبلىستا بٸر تەۋلٸكتە 371 ادام كوروناۆيرۋس جۇقتىرعان. بۇل قازاقستان ٶڭٸرلەرٸ ٸشٸندەگٸ ەڭ جوعارى كٶرسەتكٸشتەردٸڭ بٸرٸ سانالادى.
«سوعان بايلانىستى 5 اۋدانداعى, ونىڭ ٸشٸندە تشو سيياقتى كومپانيياداعى جاعداي تەرەڭ تالدانىپ, ەلگە جەتكٸزٸلٸپ وتىر. سوندىقتان بٸر دە بٸر جاعدايدى جاسىرىپ قالۋ مٷمكٸن ەمەس. ونىڭ ەشكٸمگە قاجەتٸ دە جوق. مەملەكەت اشىق قاراپ, ەلگە جەتكٸزەدٸ. ول حالىق ٷشٸن, ەلدٸڭ بولاشاعى ٷشٸن كەرەك», - دەدٸ ەرالى توعجانوۆ.
ايتا كەتەيٸك, بريفينگ بارىسىندا باق ٶكٸلدەرٸ نەلٸكتەن كۆي-دەن قايتىس بولعاندار ستاتيستيكاسى بٸر اپتاداعى دەرەكتەر بويىنشا جارييا ەتٸلەتٸنٸن سۇراعان بولاتىن.
