ۋكراينا پارلامەنتٸندەگٸ "باتكيۆششينا" فراكتسيياسى جەتەكشٸسٸنٸڭ ورىنباسارى, پرەزيدەنتتٸككە كانديدات يۋلييا تيموشەنكونىڭ سايلاۋ شتابىنىڭ ٶكٸلٸ سەرگەي سوبولەۆ ۋكراينا ورتالىق سايلاۋ كوميسسيياسىن سايلاۋشىلاردىڭ تيموشەنكوعا بەرگەن داۋىسىن ەلدٸڭ قازٸرگٸ پرەزيدەنتٸ ەرٸ پرەزيدەنتتٸككە كانديدات پەتر پوروشەنكونىڭ پايداسىنا بۇرمالادى دەپ ايىپتادى.
سوبولەۆتٸڭ سٶزٸنشە, تيموشەنكونىڭ سايلاۋ شتابىنىڭ ەسەبٸنشە, ولاردىڭ كانديداتى العاشقى تۋردا قازٸرگٸ پرەزيدەنتتەن ارتىق داۋىس العان.
"بٸز داۋىس ساناۋدى قاتار جٷرگٸزدٸك جەنە وسك داۋىس ساناۋدى كەشەۋٸلدەتٸپ وتىرعاندا وسى سەتكە دەيٸن مٶرٸ "كەپپەگەن" حاتتامالاردىڭ 63,51 پايىزىن قورىتىپ ٷلگەردٸك. بٸزدٸڭ ول ساناعىمىز بويىنشا, ۆلاديمير زەلەنسكيي 28,1 پايىز, يۋلييا تيموشەنكو – 16,1 پايىز, ال پەتر پوروشەنكو – 15,2 پايىز داۋىس العان" دەدٸ سوبولەۆ.
ونىڭ سٶزٸنشە, وسك داۋىس بەرۋگە قانشا سايلاۋشى قاتىسقانى تۋرالى مەلٸمەتتٸ تٶرت ساعات بويى جارييا ەتپەي, داۋىس بەرۋ قورىتىندىسىن جارييالاي باستاعان. "وسىعان بايلانىستى بٸز داۋىستى بيلٸك كانديداتىنىڭ (پەتر پوروشكەنكونىڭ) پايداسىنا بۇرمالاپ جاتىر دەپ كٷدٸكتەنەمٸز" دەپ مەلٸمدەدٸ تيموشەنكو شتابىنىڭ ٶكٸلٸ.
يۋلييا تيموشەنكو بۇعان دەيٸن ۋكرايناداعى پرەزيدەنت سايلاۋى تۋرالى جارييالانعان, كٶبٸ وسك مەلٸمەتتەرٸمەن ۇقساس ەكزيت-پول قورىتىندىلارىن "مٷلدە ەدٸلەتسٸز, بۇرمالانعان" دەپ مەلٸمدەدٸ.
پەتر پوروشەنكونىڭ سايلاۋ شتابىنىڭ ٶكٸلدەرٸ ٶز كانديداتتارى ەكٸنشٸ تۋردا جەڭٸسكە جەتە الادى دەپ سانايدى.
"كانديداتتاردىڭ بارلىعىن پەتر پوروشەنكونىڭ جەڭٸسٸ تۋرالى جاڭالىقتى سابىرمەن قابىلداۋعا شاقىرامىز. ەكٸنشٸ تۋرعا ٶتە الماعان دەموكراتييالىق كٷشتەردٸڭ كانديداتتارىن دەموكراتيياشىل جەنە ەۋروپاشىل كانديداتتاردى قولداۋعا شاقىرامىز" دەدٸ پوروشەنكو شتابىنىڭ ٶكٸلٸ ماكسيم ساۆراسوۆ.
رەسەيشٸل كانديدات يۋريي بويكو بۇعان جاۋابىندا سايلاۋدىڭ ەكٸنشٸ تۋرىندا پوروشەنكونى دا, زەلەنسكييدٸ دە قولدامايتىنىن مەلٸمدەدٸ.
حالىقارالىق جەنە ۋكراينالىق باقىلاۋشىلار ۋكراينا پرەزيدەنتٸ سايلاۋىندا بۇرمالاۋ نەمەسە زاڭ بۇزۋ فاكتٸلەرٸ بايقالماعانى تۋرالى مەلٸمدەگەن.
31 ناۋرىزدا ۋكراينا پرەزيدەنتٸ سايلاۋى ٶتتٸ. ۇلتتىق ەكزيت-پول قورىتىندىسى بويىنشا, سايلاۋعا تٷسكەن 39 كانديداتتىڭ اراسىنان ٶزگەلەردەن كٶپ داۋىس العان 41 جاستاعى شوۋمەن ۆلاديمير زەلەنسكيي مەن قازٸرگٸ پرەزيدەنت 52 جاستاعى پەتر پوروشەنكو سايلاۋدىڭ ەكٸنشٸ تۋرىنا ٶتكەن.
ۋكراينا وسك پرەزيدەنت سايلاۋىنا داۋىس بەرۋگە رەسمي تٸركەلگەن سايلاۋشىلاردىڭ 63,52% قاتىسقانىن مەلٸمدەدٸ. داۋىس ساناۋ ەلٸ جالعاسىپ جاتىر.
