بەلارۋس وپپوزيتسيياسىنىڭ جەتەكشٸسٸ سۆەتلانا تيحانوۆسكايا الەكساندر لۋكاشەنكونى بيلٸكتەن كەتٸرۋگە باعىتتالعان جالپىۇلتتىق ەرەۋٸل “ەندٸ عانا باستالدى جەنە بارعان سايىن اۋقىمى كەڭەيە بەرەدٸ” دەپ مەلٸمدەدٸ. 26 قازاندا ەلدە مىڭداعان جۇمىسشى, ستۋدەنت, زەينەتكەر وپپوزيتسييا شەرۋٸن قولداپ, كٶشەگە شىققان.
“بٷگٸن باتىلدىق تانىتىپ, ەرەۋٸلگە شىققان ەربٸر بەلورۋسپەن ماقتانامىن” دەدٸ تيحانوۆسكايا. ول ەلدەگٸ بارلىق ادام كٶشەدەگٸ نارازىلىققا قوسىلۋى تيٸس دەدٸ.
“جالپىۇلتتىق ەرەۋٸلگە قوسىل. بۇل رەجيمدٸ قۇلاتۋدىڭ جالعىز جولى جەنە بەلورۋس حالقى, بەرٸمٸز, بٸرٸگٸپ, جاڭا ەرٸ ەركٸن, قاۋٸپسٸز مەملەكەت قۇرامىز” دەدٸ كٶرشٸ ليتۆادان بەلارۋستەگٸ جاقتاستارىنا Zoom ارقىلى شىققان وپپوزيتسييا جەتەكشٸسٸ. ول 9 تامىزدا ٶتكەن پرەزيدەنت سايلاۋىنان كەيٸن بيلٸك قىسىمىمەن كٶرشٸ مەملەكەتكە كەتۋگە مەجبٷر بولعان.
ول "ەرەۋٸل سەتسٸز باستالدى" دەگەن رەجيم جاقتاستارىنىڭ سٶزٸن ەلەمەي, بەلورۋس حالقىن قۇقىقتارىن تالاپ ەتۋگە شاقىردى.
وسىعان دەيٸن تيحانوۆسكايا الەكساندر لۋكاشەنكوعا ۋلتيماتۋم قويىپ, 26 قازانعا دەيٸن بيلٸكتەن باس تارتىپ, ساسياي تۇتقىنداردى بوساتۋدى تالاپ ەتكەن. بيلٸك تالاپتاردى ورىنداماسا, ەلدە جالپىۇلتتىق ەرەۋٸل باستالىپ, جولدار جابىلادى, مەملەكەتتٸك كەسٸپورىن ٶنٸمدەرٸنە بويكوت جارييالاناتىنى ايتىلعان ەدٸ.
25 قازان جارىم تٷنگە دەيٸن بيلٸكتەن كەتۋٸ تيٸس دەگەن وپپوزيتسييا تالابىن قابىلداۋدىڭ ورنىنا لۋكاشەنكو 26 قازاندا نارازىلاردى باقىلايتىن ارنايى جاساق سانىن كٶبەيتتٸ. "ۆەسنا" قۇقىق قورعاۋ توبىنىڭ مەلٸمەتٸنشە, دٷيسەنبٸ كٷنٸ مينسك, گرودنو, برەست, ليدا جەنە ٶزگە قالالاردا 300-دەن استام ادام ۇستالعان.
