بەلارۋستەگٸ پرەزيدەنت سايلاۋىنا قاتىسقان وپپوزيتسييا كانديداتى سۆەتلانا تيحانوۆسكايا ەۋروپا كەڭەسٸنە مەلٸمدەمە جاساپ, بەلارۋستەگٸ پرەزيدەنت سايلاۋىنىڭ قورىتىندىسىن مويىنداماۋعا شاقىردى. اعىلشىن تٸلٸندە جازىلعان ۆيدەومەلٸمدەمە Youtube-تەگٸ "سترانا دليا جيزني" ارناسىندا جارييالاندى.
تيحانوۆسكايانىڭ ايتۋىنشا, 9 تامىز كٷنگٸ پرەزيدەنت سايلاۋى اشىق, ەدٸل ٶتكەن جوق, ونىڭ قورىتىندىسى بۇرمالانعان. ال داۋىسىن قورعاۋعا تىرىسقان حالىقتى بيلٸك اياۋسىز ۇرىپ-سوعىپ, تٷرمەدە ازاپتاعان.
"جٷزدەگەن ادام جاراقاتتاندى, كەمٸندە ەكٸ ادام قازا بولدى. مۇنداي جاعداي دەل قازٸر ەۋروپا تٶرٸندە بولىپ وتىر. سٸزدەردٸ ەدٸلەتسٸز سايلاۋدى مويىنداماۋعا شاقىرامىن. لۋكاشەنكو حالىق الدىندا, بٷكٸل ەلەم الدىندا ٶكٸلەتٸن جوعالتىپ الدى" دەدٸ تيحانوۆسكايا.
ول سونىمەن بٸرگە ەلدەگٸ بيلٸكتٸ بەيبٸت تٷردە اۋىستىرۋ ٷشٸن ٷيلەستٸرۋ كەڭەسٸن قۇرعانىن, ەلدە حالىقارالىق باقىلاۋشىلاردىڭ قاتىسۋىمەن دەموكراتييا ستاندارتتارىنا سەيكەس كەلەتٸن سايلاۋ ٶتۋٸ تيٸس ەكەنٸن ايتتى.
"مەن سٸزدەردٸ بەلارۋستٸڭ ويانۋىن قولداۋعا شاقىرامىن. بارلىق مەملەكەتتەردٸ حالىقارالىق قۇقىق پرينتسيپتەرٸن قۇرمەتتەۋگە ٷندەيمٸن. بەلارۋس ەگەمەندٸگٸ مەن بەلارۋس حالقىنىڭ تاڭداۋىن قۇرمەتتەۋگە شاقىرامىن" دەدٸ تيحانوۆسكايا مەلٸمدەمەدە.
19 تامىزدا ەۋروپا كەڭەسٸ بەلارۋستەگٸ جاعدايعا بايلانىستى كەزەكتەن تىس ۆيدەوسامميت ٶتكٸزەدٸ.
بۇعان دەيٸن ۇلىبريتانييا, كانادا, يرلاندييا, لاتۆييا, ليتۆا, ەستونييا جەنە ەۋرووداقتىڭ 27 ەلٸنٸڭ سىرتقى ٸستەر مينيسترلەرٸ بەلارۋستەگٸ سايلاۋدىڭ قورىتىندىسىن مويىندامايتىنىن مەلٸمدەگەن.
