فوتو: ريا نوۆوستي © الەكسەي درۋجينين
جۇرت كٶزٸنشە سوعىستى قولدايتىن, باتىستى سىناپ جٷرگەن رەسەيلٸك شەنەۋنٸكتەردٸڭ بالالارى شەتەلدە, ونىڭ ٸشٸندە ناتو ەلدەرٸندە تۇراقتى دەمالادى. بۇل جٶنٸندە ولاردىڭ بالالارىنىڭ ەلەۋمەتتٸك جەلٸدەگٸ پاراقشالارىن زەرتتەگەن The Insider باسىلىمى جازدى, دەپ حابارلايدى ازاتتىق.
"ناتو رەسەيگە قارسى گيبريد سوعىس جٷرگٸزٸپ جاتىر" دەپ جيٸ ايتاتىن رەسەي سىرتقى بارلاۋ قىزمەتٸنٸڭ ديرەكتورى سەرگەي نارىشكيننٸڭ قىزى ۆەرونيكا نارىشكينا كەيٸنگٸ كٷندەرٸ تٷركييا, يتالييا, گرەكييادا بولعان. بۇعان قوسا, باليدە ەر بٶلمەسٸن جالداۋ قۇنى كٷنٸنە 500 دوللار بولاتىن قوناقٷيگە توقتاعان. سول سيياقتى سەيشەل ارالدارى, باە-دە بولعان.
The Insider ايتۋىنشا, ۆەرونيكا نارىشكينا - شەنەۋنٸكتٸڭ وتباسىنىڭ ٶزگە مٷشەلەرٸ سيياقتى ەلٸ سانكتسييا تٸزٸمٸندە.
رەسەي فەدەراتسييا كەڭەسٸنٸڭ مٷشەسٸ, فسب-نىڭ وتستاۆكاداعى گەنەرال-مايورى ۆلاديمير جاباروۆتىڭ ۇلى 2021 جىلى جازدا كاليفورنيياعا بارىپ دەمالعان. رەسەي وپپوزيتسيياسىن اقش-تىڭ ارنايى قىزمەتٸمەن استىرتىن سٶز بايلاستى دەپ ايىپتاعان شەنەۋنٸكتٸڭ ۇلى الەكساندر جاباروۆ سوعىس باستالعاننان كەيٸن شۆەتسييا, نورۆەگييا, تٷركييادا بولعان.
فەدەراتسييا كەڭەسٸنٸڭ سپيكەرٸ ۆالەنتينا ماتۆيەنكونىڭ بولاشاق كەلٸنٸ سوعىس باستالعان سوڭ يتاليياداعى ۆيللادا دەمالعان. ال مەملەكەتتٸك دۋما ۆيتسە-سپيكەرٸ الەكساندر جۋكوۆتىڭ قالىڭدىعى بوس ۋاقىتىن گرەكييانىڭ ميكونوس ارالىندا ٶتكٸزگەن.
The Insider رەسەي قورعانىس مينيسترٸ سەرگەي شويگۋدىڭ قىزى كسەنيياعا بٸر بٶلٸم ارناعان. ۋكراينانىڭ دونەتسك وبلىسىندا قىزۋ ۇرىس جٷرٸپ جاتقان شاقتا كسەنييا جاڭا جىل دەمالىسىن دۋبايدا ٶتكٸزگەن. The Insider كسەنييانىڭ كٷيەۋٸمەن بٸرگە توقتاعان قوناقٷيٸن انىقتاپ, ەرلٸ-زايىپتى دەمالىسىنا كەمٸندە 500 مىڭ رۋبل جۇمساعان بولۋى مٷمكٸن دەگەن تۇجىرىم جاسادى.
