قازاقستاننىڭ بٸرٸنشٸ, ەلەمنٸڭ 50-راكەتكاسى الەكساندر بۋبليك جاڭا ماۋسىمدى انتالييادا باستايدى, دەپ حابارلايدى "ۇلت اقپارات".
جٷلدە قورى 300 مىڭ ەۋروعا باعالانعان انتالييا ATP 250 تۋرنيرٸ 7-13 قاڭتار ارالىعىندا ٶتەدٸ.
قازاقستاندىق تەننيسشٸ العاشقى اينالىمدا دٷنيەجٷزٸلٸك رەيتينگتە 76-ورىندا تۇرعان يتالييالىق سالۆاتورە كارۋزومەن كٷش سىناسادى.
تاعى بٸر قازاقستاندىق, رەيتينگتە 776-ساتىدا تۇرعان اندرەي گولۋبەۆ ٸرٸكتەۋ سايىستارىنىڭ جارتىلاي فينالىندا ەلەمنٸڭ 313-راكەتكاسى, سلوۆاكييالىق الەكس مولچانمەن شەبەرلٸك بايقاسادى. ا.گولۋبەۆ ا.مولچاننان كەيٸن تاعى بٸر تەننيسشٸنٸ ۇتسا, ول دا نەگٸزگٸ تۋرنيرگە جولداما الادى.
سونىمەن قاتار ا.بۋبليكتٸڭ 31 قاڭتار – 6 اقپان ارالىعىندا ٶتەتٸن مەلبۋرن دوداسىنا قاتىساتىنى دا بەلگٸلٸ بولدى. بيىل بۇل تۋرنير ادەلايداداعى دودانىڭ ورنىنا ٶتەدٸ. ال 8 اقپاندا «ٷلكەن دۋلىعانىڭ» بيىلعى العاشقى دوداسى – اۋسترالييا اشىق چەمپيوناتى باستالادى.
ەسكە سالا كەتەيٸك, بۇدان بۇرىن قازاقستاندىق تەننيسشٸلەردٸڭ ەبۋ-دابي تۋرنيرٸندەگٸ قارسىلاستارى بەلگٸلٸ بولعانىن جازعان ەدٸك.
بۇل تۋرنيردٸڭ ٸرٸكتەۋ ساتىسىندا اننا دانيلينا قىتايلىق يان چجاوسيۋانمەن كورتقا شىقتى. قازاقستاندىق تەننيسشٸ بٸرٸنشٸ پارتييادا 6:3 ەسەبٸمەن ۇتقانىمەن, سول قارقىنىن جالعاستىرا المادى. قالعان ەكٸ سەتتە قىتايلىق سپورتشى 7:6 (7:4), 6:4 ەسەبٸمەن جەڭٸسكە جەتتٸ. وسىلايشا ا.دانيلينا نەگٸزگٸ دودادان تىس قالدى.
