قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا تەمەكٸ تۇقىلىن لاقتىرعان قاراساي ەكٸمدٸگٸ قىزمەتكەرٸنٸڭ ٸسٸن جاۋاپتى دەپارتامەنت تەكسەرٸپ جاتقانىن مەلٸم ەتتٸ, دەپ حابارلايدى "ۇلت اقپارات".
ەسكە سالا كەتسەك, بۇعان دەيٸن الماتى وبلىسى قاراساي اۋدانى ەكٸمدٸگٸنٸڭ مامانى جەلٸ قولدانۋشىلاردىڭ نارازىلىعىن تۋعىزعانى تۋرالى اقپارات تاراعان ەدٸ. جەلٸگە تاراعان ۆيدەودان تۇرعىنداردىڭ ەر ازاماتقا شاعىمىن ايتىپ, نارازىلىق بٸلدٸرٸپ جاتقانىن كٶرۋگە بولادى. سول سەتتە تەمەگٸ شەگٸپ تۇرعان ول تەمەكٸ تۇقىلىن جەرگە لاقتىرا سالادى. تۇرعىننىڭ بٸرٸ ونىڭ ەرەكەتٸنە اشۋلانىپ, «بالالار الاڭىنا تەمەكٸ تۇقىلىن لاقتىرىپ, ەتيكانى ساقتامادىڭ» دەپ شٷيلٸگەدٸ.
بەيەدەپ قىلىق كٶرسەتكەن ادام قاراساي اۋدانى ەكٸمدٸگٸنٸڭ تۇرعىن ٷي كوممۋنالدىق شارۋاشىلىعى بٶلٸمٸنٸڭ مامانى بولىپ شىققان.
مەملەكەتتٸك قىزمەتشٸنٸڭ بۇل قىلىعىنا بايلانىستى ۆيدەودان انار جايىلعانوۆا حاباردار ەكەنٸن مەلٸم ەتتٸ.
«يە, بٸز بۇل وقيعادان حاباردارمىز. بٸزدە مەملەكەتتٸك قىزمەت سالاسىن باقىلاۋ جٶنٸندەگٸ دەپارتامەنت بار. بۇل دەپارتامەنت اتالمىش مەسەلەمەن اينالىسىپ جاتىر. ول اقپارات بٷگٸن شىقتى. بٸز دە ول مەسەلەمەن جۇمىس جٷرگٸزەمٸز», - دەدٸ انار جايىلعانوۆا.
