فوتو: ساندۋعاش دٷيسەنوۆادان
تەكەلٸدە كٶشكٸن كەزٸندە ٶلٸ تابىلعان بەس جاسار قىزدىڭ اناسى وقيعانىڭ مەن-جايىن ايتىپ بەردٸ, - دەپ حابارلايدى Tengrinews.kz.
كٶشكٸن 15 مامىردا ساعات 11.40 شاماسىندا جٷرگەن. شامامەن, بەس ٷي كٶشكٸن استىندا قالىپ قويعان. سولاردىڭ بٸرٸندە بەس جاسار جانبوتا بولعان.
"وعان دەيٸن جاڭبىر قاتتى جاۋدى. مەن مونشادا بولعانمىن. قىزىم ول كەزدە ٷيدە قۋىرشاقتارىمەن ويناپ وتىرعان. وعان دەيٸن كٶشكٸن بولادى دەگەندٸ ەستٸمەدٸك. ەشتەڭە كٷتپەدٸك. جايباراقات ٷيدە وتىرعانبىز. وقيعادان كەيٸن مەن ەسٸمنەن تانىپ, اۋرۋحانادا بٸر-اق وياندىم", - دەيدٸ گٷلنارا تٸلەۋحان.
ونىڭ ايتۋىنشا, ٷلكەن قىزى ول كەزدە كٶرشٸ اۋىلدا بولعان.
كٶشكٸن سالدارىنان گٷلنارا تٸلەۋحاننىڭ ٷيٸ تٷگەل قيراعان. ٷيدٸ تازالاۋ جۇمىستارىمەن تج قىزمەتكەرلەرٸ اينالىسىپ جاتىر. بٷگٸندە گٷلنارانىڭ وتباسىنا ەكٸمدٸك ٶكٸلدەرٸ مەن تۇرعىندار كٶمەكتەسٸپ جاتىر. جانبوتانىڭ جانازاسى ەرتەڭ, 17 مامىردا بولادى.
تەكەلٸ ەكٸمٸنٸڭ ورىنباسارى باۋىرجان توبىلباەۆتىڭ سٶزٸنشە, كٶشكٸننەن زارداپ شەككەن بارلىق وتباسىنا كٶمەك كٶرسەتٸلەدٸ. سونداي-اق توبىلباەۆ ادامدارعا الدىن الا نەگە ەسكەرتۋ جاسالماعانىن تٷسٸندٸردٸ.
"مۇنداي وقيعا بولاتىنىن ەشكٸم كٷتكەن جوق. تٷنٸ بويى جاڭبىر جاۋدى. ٷيلەر تاۋعا جاقىن ورنالاسقان. جوعارىدا تاعى بٸر كٶشە بولعان, ول جەردە دە ادامدار تۇراتىن. قازٸر ەشقانداي قاۋٸپ جوق, بەرٸ بٸرتٸندەپ ٷيٸنە ورالىپ جاتىر. زارداپ شەككەندەردٸ ۋاقىتشا قوناقٷيگە ورنالاستىردىق", - دەيدٸ ول.
سونداي-اق جەرگٸلٸكتٸ بيلٸك ٷيسٸز قالعان ادامداردىڭ تۇرعىن ٷي مەسەلەسٸ شەشٸلەتٸنٸن ايتتى. باۋىرجان توبىلباەۆتىڭ سٶزٸنشە, قيراعان ٷيلەر قايتا جٶندەۋگە جارامايدى.
