تەجٸكستاندى 28 جىلدان استام ۋاقىت باسقارىپ وتىرعان 67 جاستاعى ەمومالي راحمون 11 قازاندا ٶتەتٸن پرەزيدەنت سايلاۋىنا كانديدات رەتٸندە تٷسەدٸ. 26 تامىزدا تەۋەلسٸز كەسٸپوداقتار فەدەراتسيياسى راحموندى پرەزيدەنت سايلاۋىنا ٷمٸتكەر رەتٸندە ۇسىندى. فەدەراتسييا مٷشەلەرٸ سەزدە ونىڭ كانديداتۋراسىن بٸراۋىزدان ماقۇلدادى.
بۇعان دەيٸن رۋستام لاتيفزودا (اگرارلىق پارتييا), ابدۋحاليم گاففوروۆ (سوتسياليستٸك پارتييا), سايددجافار ۋسمونزودا (دەموكراتييالىق پارتييا) جەنە رۋستام راحماتزودا (ەكونوميكالىق رەفورما پارتيياسى) كانديدات رەتٸندە تٸركەلگەن.
كوممۋنيستٸك پارتييا مەن حالىقتىق-دەموكراتييالىق پارتييا كانديداتتارى قىركٷيەكتٸڭ باسىندا بەلگٸلٸ بولۋى تيٸس.
تەجٸكستاننىڭ سوتسياليستٸك-دەموكراتييالىق پارتيياسى سايلاۋعا بويكوت جارييالاۋى مٷمكٸن. ەكٸ كٷن بۇرىن پارتييا ليدەرٸ راحماتيللو زوييروۆ سايلاۋعا تٷسپەيتٸنٸن مەلٸمدەگەن. ول "راحمون پرەزيدەنت رەتٸندە ەشقانداي پارتيياعا مٷشە بولماۋى تيٸس. ەلدە كٶپ پارتييالى جٷيە قيرادى, بٸر پارتييالى جٷيە قالىپتاستى" دەگەن. زوييروۆ بيىلعى سايلاۋدى "زاڭسىز, كونستيتۋتسيياعى قارسى" دەگەن.
11 قازاندا ٶتەتٸن ساياسي ناۋقان – تەۋەلسٸز تەجٸكستان تاريحىنداعى التىنشى پرەزيدەنت سايلاۋى. وسىعان دەيٸنگٸ بەس سايلاۋدىڭ بەرٸندە راحمون جەڭگەن. 2013 جىلعى سايلاۋدا 84 پايىز داۋىسپەن جەڭٸسكە جەتكەن.
ول بيلٸكتە 28 جىل وتىر. حالىقارالىق ۇيىمدار مەن ساراپشىلار راحمون تەجٸكستاندا بيلٸكتٸ سىناۋشىلاردى قۋدالاپ, ادام قۇقىعىن بۇزدى, سٶز بوستاندىعى مەن دٸني بوستاندىقتى شەكتەدٸ دەپ سىنايدى. ونىڭ بالالارى مەن جاقىندارى بيلٸكتەگٸ نەگٸزگٸ قىزمەتتەردە وتىر. ۇلى رۋستام ەمومالي – ەلدە سەنات سپيكەرٸ رەتٸندە بيلٸك يەرارحيياسىنداعى ەكٸنشٸ ادام.
تەجٸكستاندا پرەزيدەنت 7 جىلعا سايلانادى. داۋىس بەرۋشٸلەردٸڭ 50 پايىزى قاتىسقان سايلاۋ ٶتتٸ دەپ ەسەپتەلەدٸ.
