تارازدا 19 جاستاعى بويجەتكەندٸ نەكەگە تۇرۋعا مەجبٷرلەۋ ماقساتىندا الىپ قاشقان ٷش ازاماتقا قاتىستى سوت ٷكٸمٸ شىقتى, دەپ حابارلايدى ult.kz.
وقيعا ٶتكەن جىلدىڭ قازان ايىندا بولعان. تەرگەۋ مەلٸمەتٸنشە, الماتى وبلىسىنىڭ ٷش تۇرعىنى جامبىل وبلىسىنىڭ 19 جاستاعى تۇرعىنىن كٷش قولدانىپ الىپ كەتكەن.
اتالعان دەرەك بويىنشا پوليتسييا قر قىلمىستىق كودەكسٸنٸڭ 125-1-بابى 2-بٶلٸگٸنٸڭ 1) جەنە 4) تارماقتارى بويىنشا سوتقا دەيٸنگٸ تەرگەپ-تەكسەرۋدٸ باستاعان.
تەرگەۋ بارىسىندا جەبٸرلەنۋشٸنٸڭ الىپ قاشۋدى ۇيىمداستىرعان ازاماتپەن بەس جىلدان استام ۋاقىت بويى جاقىن قارىم-قاتىناستا بولعانى انىقتالدى. الايدا بويجەتكەن بٸرنەشە رەت تۇرمىسقا شىعۋدان باس تارتقان. سوعان قاراماستان ەر ادام تانىستارىن تارتىپ, قىزدى الىپ قاشۋدى ۇيىمداستىرعان.
كٷدٸكتٸلەر الدىن الا سٶز بايلاسىپ, كٷندٸزگٸ ۋاقىتتا جەبٸرلەنۋشٸنٸ كٷش قولدانىپ الىپ كەتكەن.
سوت وتىرىسىندا ايىپتالۋشىلاردىڭ كٸنەسٸ تولىق دەلەلدەندٸ. تاراز قالاسىنىڭ №2 سوتىنىڭ ٷكٸمٸمەن ولار ادامدى نەكەگە تۇرۋعا مەجبٷرلەۋ ماقساتىندا الىپ قاشقانى ٷشٸن كٸنەلٸ دەپ تانىلدى.
قىلمىستىق كودەكستٸڭ 63-بابى قولدانىلىپ, ٷش سوتتالۋشىنىڭ ەرقايسىسىنا ٷش جىل مەرزٸمگە باس بوستاندىعىنان ايىرۋ جازاسى تاعايىندالدى.
