سۋرەت: Kazislam.kz
مەجٸلٸس دەپۋتاتى ەدٸل جاڭبىرشين تەڭٸرشٸلدٸكتٸ دٸن رەتٸندە تانۋ يدەياسىنا قاتىستى ٶز پٸكٸرٸن بٸلدٸردٸ, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
پەتيتسييا جاقىندا قازاقستاندا ٸسكە قوسىلعان ەدٸ.
وسى تۇستا جاڭبىرشين ٶزٸنٸڭ يسلام دٸنٸن ۇستاناتىنىن ايتتى. دەگەنمەن دٸني سەنٸمدٸ تاڭداۋ ەر ادامنىڭ ٶز قۇقىعى ەكەنٸن العا تارتتى.
"ەركٸم ٶز زەرتتەۋلەرٸنٸڭ, ٸزدەنٸسٸنٸڭ, سەنٸمدەرٸنٸڭ نەتيجەسٸندە دٸندٸ ٶزٸ تاڭدايدى. ەڭ باستىسى دٸن تەرروريزم مەن ەكسترەميزمنٸڭ قۇرالى بولماۋى تيٸس. دٸندٸ ساياسي قۇرالعا اينالدىرۋعا بولمايدى. ول قوعامدا داۋ تۋدىرماۋى كەرەك. ەگەر مۇنداي بەلگٸلەر بولسا, وندا بۇل دٸن ەمەس. بٸزدە تيٸستٸ مەملەكەتتٸك ورگاندار بار. ولار پەتيتسييا مەن ۇسىنىستارعا ٶزدەرٸ جاۋاپ بەرٸپ, قاراستىرادى", - دەدٸ دەپۋتات.
جاڭبىرشين سونىمەن قاتار تەڭٸرشٸلدٸكتٸ دٸنگە جاتقىزۋعا بولمايتىنىن اتاپ ٶتتٸ. ول وسى اعىمدى ۇستانۋشىلارعا مەسەلەنٸ مۇقييات زەرتتەۋگە كەڭەس بەردٸ.
"شىندىعىندا, تەڭٸرشٸلدٸك دٸن ەمەس. بٸزدٸڭ اتا-بابالارىمىزدىڭ دٸنٸ – يسلام. سوندىقتان, ولاردىڭ اداسۋى مٷمكٸن. مۇقييات زەرتتەسٸن. قوجا احمەت ياسساۋي, بەكەت اتا, شەكەرٸم قاتەلەسكەن جوق دەپ ويلايمىن", - دەپ جاۋاپ بەردٸ جاڭبىرشين.
ول داۋ تۋدىرماي, قوعامدى بٸرٸكتٸرەتٸن مەسەلەلەرگە نازار اۋدارۋ كەرەك ەكەنٸن العا تارتتى.
