Sýret: Kazislam.kz
Májilis depýtaty Edil Jańbyrshin táńirshildikti din retinde taný ideiasyna qatysty óz pikirin bildirdi, dep habarlaidy "Ult aqparat" Stan.kz aqparat agenttigine silteme jasap.
Petitsiia jaqynda Qazaqstanda iske qosylǵan edi.
Osy tusta Jańbyrshin óziniń islam dinin ustanatynyn aitty. Degenmen dini senimdi tańdaý ár adamnyń óz quqyǵy ekenin alǵa tartty.
"Árkim óz zertteýleriniń, izdenisiniń, senimderiniń nátijesinde dindi ózi tańdaidy. Eń bastysy din terrorizm men ekstremizmniń quraly bolmaýy tiis. Dindi saiasi quralǵa ainaldyrýǵa bolmaidy. Ol qoǵamda daý týdyrmaýy kerek. Eger mundai belgiler bolsa, onda bul din emes. Bizde tiisti memlekettik organdar bar. Olar petitsiia men usynystarǵa ózderi jaýap berip, qarastyrady", - dedi depýtat.
Jańbyrshin sonymen qatar táńirshildikti dinge jatqyzýǵa bolmaitynyn atap ótti. Ol osy aǵymdy ustanýshylarǵa máseleni muqiiat zertteýge keńes berdi.
"Shyndyǵynda, táńirshildik din emes. Bizdiń ata-babalarymyzdyń dini – islam. Sondyqtan, olardyń adasýy múmkin. Muqiiat zerttesin. Qoja Ahmet Iassaýi, Beket ata, Shákárim qatelesken joq dep oilaimyn", - dep jaýap berdi Jańbyrshin.
Ol daý týdyrmai, qoǵamdy biriktiretin máselelerge nazar aýdarý kerek ekenin alǵa tartty.
