قازاقستان پارلامەنتٸ سەناتىنا جاڭا دەپۋتاتتار تاعايىندالدى, - دەپ حابارلايدى "ۇلت اقپارات" اقورداعا سٸلتەمە جاساپ.
"مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتٸ سەناتىنىڭ دەپۋتاتتارى بولىپ مىنالار: سەۋلە مۇحانبەديانقىزى ايتپاەۆا; ۆلاديمير ۆاسيلەۆيچ ۆولكوۆ; باقىتجان تۇرسىنۇلى جۇماعۇلوۆ; تالعات امانگەلدٸۇلى مۇساباەۆ تاعايىندالدى", - دەلٸنگەن پرەزيدەنت سايتىندا.
مۇساباەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتٸنٸڭ كەڭەسشٸسٸ قىزمەتٸنەن بوساتىلدى.
سونىمەن قاتار, مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتٸ سەناتىنىڭ دەپۋتاتتارى نۇرتاي ەبٸقاەۆتىڭ, يكرام ادىربەكوۆتٸڭ, مۇحتار قاپاشۇلى التىنباەۆتىڭ, ليۋدميلا گريگورەۆنا پولتوراباتكونىڭ ٶكٸلەتتٸكتەرٸ توقتاتىلعانى ايتىلادى.
سۋرەت: قازاقپارات
