ايماقتارداعى پروبلەمالاردىڭ شەشٸمٸن مەسليحاتتاردان تالاپ ەتۋ كەرەك. سايلاۋ قورىتىندىسى جايلى «قولدانبالى ەتنوساياسي زەرتتەۋلەر ينستيتۋتى» جشس ديرەكتورى تالعات قاليەۆ وسىلاي دەدٸ, دەپ حابارلايدى قازاقپارات.
«كەيٸنگٸ ونداعان جىلدار بويى بٸزدٸڭ ەلدە ساياساتتى شەتتەن تىس ورتالىقتاندىرۋ پروتسەسٸ جٷردٸ. ەلبەتتە كٸمنٸڭ دەپۋتات, كٸمنٸڭ مينيستر ەكەنٸن, ولاردىڭ قانداي ٸس تىندىرىپ جٷرگەنٸن بٸلگەنٸمٸزبەن, ٶڭٸرلەردە نە بولىپ جاتقانىن كٶپ زەرتتەي بەرمەيتٸن ەدٸك. ايماقتاردا قانداي دا بٸر رەزونانستى جاعداي تٸركەلسە, سونداعى ايماقتىق ەليتانىڭ, كەزەكتٸ ماجوردىڭ كٸم ەكەنٸن بٸلٸپ وتىراتىنبىز. ال بٸز وندا مەسليحاتتىڭ حاتشىسى كٸم, ول نە ٸستەپ جاتىر دەگەن سۇراقتىڭ جاۋابىن بٸلمەۋشٸ ەدٸك. ۋنيتارلى مەملەكەت, حالقىنىڭ سانى از, جەرٸ ٷلكەن ەل رەتٸندە ايماقتاردا ناقتى نە بولىپ جاتقانىن بٸلٸپ وتىرۋىمىز كەرەك بولاتىن», - دەدٸ تالعات قاليەۆ ەلوردادا ٶتكەن «SAILAU-2021: پارلامەنت سايلاۋىنىڭ الدىن الا قورىتىندىلارى» اتتى ساراپتامالىق تالقىلاۋدا.
ساراپشىنىڭ ايتۋىنشا قازاقستاندىق ساياساتتىڭ ايماقتىق ٶلشەمٸ جٷرگٸزٸلۋٸ تيٸس.
«بٸز ازاماتتىق قوعام تۋرالى سٶز قوزعاعاندا ايماقتىق ساياساتتى, جەرگٸلٸكتٸ ٶزٸن-ٶزٸ باسقارۋ, ايماقتاردى تيٸمدٸ باسقارۋ مەسەلەلەرٸن ەستەن شىعارىپ جاتامىز. بٸز ەڭ بٸرٸنشٸ كەزەكتە مەجٸلٸسكە ەمەس, مەسليحاتتارعا جٷگٸنۋٸمٸز كەرەك. قانداي دا بٸر اۋداندا نەلٸكتەن جولدىڭ جايى ناشار ەكەنٸن, قالا شەتٸ نەلٸكتەن دامىماي جاتقانىن بٸز سولاردان سۇراۋىمىز كەرەك. مۇنىڭ بەرٸ جەرگٸلٸكتٸ اتقارۋشى ورگاندار مەن مەسليحاتتارعا جولداناتىن سۇراقتار, سەبەبٸ ولار بيۋدجەتتٸ تٷزٸپ, ونى باقىلايدى. وسى رەتتە بٷگٸنگٸ تاڭدا پارتييالاردىڭ مەسليحاتتارعا كەلە باستاۋىنىڭ ماڭىزى ٶتە زور. ولاردىڭ پارتيياٸشٸلٸك بەسەكەلەستٸگٸن ارتۋىنا جول اشادى. ياعني ەربٸر دەپۋتاتتىڭ ارتىندا بۇدان بىلاي بٷتٸندەي بٸر پارتييانىڭ رەسۋرسى تۇرادى. بٸر ٶڭٸردە بٸر پارتييانىڭ بٸر ٶكٸلٸ بار بولسا دا, ول مەدييالىق, ساياسي رەسۋرستارعا يە بولا الادى», - دەدٸ ول.
تالعات قاليەۆ بٷگٸن مەسليحاتقا ەنگەن پارتييالار ەرتەڭ مەجٸلٸسكە ەنۋگە مول مٷمكٸندٸك الاتىنىن جەتكٸزدٸ.
«بٸزدە 1 پايىز الىپ قالعان بٸردە-بٸر پارتييا جوق. كٷنٸ كەشە عانا پايدا بولعان «ادال» پارتيياسىنىڭ ٶزٸ 3 پايىزدان استام داۋىس الدى. بۇل – ەكٸ ايلىق ناسيحات جۇمىسىنىڭ ٷلكەن نەتيجەسٸ. بۇل دەگەنٸمٸز سايلاۋعا نازاردىڭ جوعارى بولعانىن, ناسيحات جۇمىستارى دا تيٸمدٸ ەرٸ ساپالى جٷرگٸزٸلگەنٸن كٶرسەتەدٸ. بٸر ٶكٸنٸشتٸسٸ, اگرارلى ەل بولا تۇرا مەجٸلٸستە «اۋىل» پارتيياسىنىڭ ٶكٸلٸ بولمايتىن بولدى. بٸراق مەنٸڭشە, «اۋىل» پارتيياسىندا مامانداندىرىلعان ساپالى باعدارلاما بولماعان سەكٸلدٸ. سەبەبٸ «اۋىل» ٶز سوڭىنان يادرولىق ەلەكتوراتىن ەرتٸپ كەتە المادى. ولار وسى قاتەلٸك بويىنشا جۇمىس جٷرگٸزەر دەپ ويلايمىن», - دەدٸ ول.
