الماتى وبلىسىندا جالعىزباستى كەيۋاناعا جاسالعان قاراقشىلىق شابۋىل فاكتٸسٸ اشىلدى, دەپ حابارلايدى Polisia.kz سايتى.
تالعار اپب كەزەكشٸ بٶلٸمٸنە تالعار قالاسىنىڭ 78 جاستاعى تۇرعىنىنىڭ ٷيٸنە بەلگٸسٸز بٸرەۋدٸڭ باسىپ كٸرٸپ, پىشاقپەن قورقىتىپ, اقشاسىن تارتىپ ەكەتكەنٸ تۋرالى حابارلاما كەلٸپ تٷسكەن. شىعىن سوماسى 100 مىڭ تەڭگەنٸ قۇرادى.
«وقيعا ورنىنا ساناۋلى مينۋتتاردا جەتكەن تالعار اپب پاترۋلٸ جەبٸرلەنۋشٸدەن قىلمىسكەردٸڭ سىرتقى كەلبەتٸ تۋرالى سۇراستىرىپ, ٸزدەۋگە كٸرٸسكەن. 30 مينۋتتان كەيٸن پاترۋلدٸك پوليتسييا قىزمەتكەرلەرٸ مٸنەز-قۇلقى كٷدٸك تۋدىراتىن, بۇتالار اراسىندا جاسىرىنعان, جەبٸرلەنۋشٸ سيپاتتاعان ادامعا ۇقسايتىن ەر ادامدى ۇستادى. ونىڭ قالتاسىنان بٸر بۋما اقشا تابىلدى», – دەدٸ تالعار اپب باستىعى ەرلان قاسىم.
ٶزٸنٸڭ ٸس-ەرەكەتٸن مويىنداعان كٷدٸكتٸدەن جاۋاپ الۋ كەزٸندە پوليتسەيلەر ەگدە ەيەلگە شابۋىل جاساۋ دەرەگٸنٸڭ مەن-جايىن تولىق انىقتادى.
«جۇمىسسىز كٷدٸكتٸ قالانى ماقساتسىز ارالاپ جٷرٸپ, جالعىزباستى ەجەيدٸڭ اقشاسىن تارتىپ الۋعا بەل بايلاعان. ٶزٸن ەشكٸم كٶرمەۋٸ ٷشٸن ٷيگە ارتقى جاقتاعى قورشاۋ ارقىلى كٸرگەن. اس ٷي پىشاعىمەن زەينەتكەردٸ قورقىتىپ, ودان اقشا تالاپ ەتكەن. قورىققان ەجەي وعان 500 تەڭگە ۇسىنعان. ۇسىنىلعان اقشاعا كٶڭٸلٸ تولماعان كٷدٸكتٸ ەجەيدٸ كٷش قولدانامىن دەپ قورقىتىپ, بارلىق اقشاسىن بەرۋدٸ تالاپ ەتكەن. ەجەي قورىققاننان ەمييانىن الىپ شىققان. ۇستالعان ادام ەميياننان بارلىق اقشانى الىپ, ٸزٸن سۋىتقان. جارتى ساعاتتان كەيٸن كٷدٸكتٸ ۇستالدى», – دەپ تولىقتىردى ەرلان قاسىم.
قازٸرگٸ ۋاقىتتا بۇل فاكت بويىنشا قر قىلمىستىق كودەكسٸنٸڭ 192-بابىمەن (قاراقشىلىق) تەرگەۋ امالدارى جٷرگٸزٸلۋدە.
