فوتو: "الماتى" تەلەارناسى
مەيٸتٸ تالعار ٶزەنٸنەن تابىلعان 42 جاستاعى ەيەلدٸ بٸرەۋلەر ٶلتٸرٸپ, سۋعا اعىزىپ جٸبەرۋٸ مٷمكٸن. كٶپٸر باسىنا بارعان مارقۇمنىڭ جاقىندارى وسىنداي بولجام ايتىپ وتىر, - دەپ حابارلايدى «ۇلت اقپارات» Almaty.tv تەلەارناسىنا سٸلتەمە جاساپ.
تالعار جۇرتى كەشە تابىت شىعارىپ, جاقىنىن جەرلەدٸ. "تٶرت بالاسىن جەتكٸزەمٸن" دەپ جٷرٸپ كٶز جۇمعان جالعىزباستى ەيەل ەكٸ جۇمىستى قاتار الىپ جٷرٸپ, جاڭادان ٷي سالۋدى جوسپارلاعان. باسپانا تۇرعىزامىن دەپ باقيلىق بولعان مارقۇمنىڭ بالاسى سول تٷندٸ قورقىنىشپەن ەسكە الادى.
"ٷيگە 3 اعاي كەلدٸ. ولاردى بٸرٸنشٸ رەت كٶردٸم. ولار ساعات 22:00-دە كەتتٸ. انامنىڭ ٶلٸمٸنە كٸنەلٸ سولار ما دەپ ويلايمىن. اناممەن سٶزگە كەلٸپ قالعانىن ەستٸدٸم. ول ٶزٸنە قول سالۋى مٷمكٸن ەمەس. ٶيتكەنٸ انام بٸزدٸ قاتتى جاقسى كٶرەتٸن. ٷي سالاتىنىن ايتىپ, "باقىتتى ٶمٸر سٷرەمٸز" دەپ وتىراتىن", - دەدٸ مارقۇمنىڭ بالاسى.
ارتىندا تٶرت بالاسى بوزداپ قالعان 42 جاستاعى مارقۇمنىڭ مەيٸتٸن جاقىندارى ٶزەن بويىنان تاپقان. ولار سورعالاعان قاننىڭ ٸزٸن كٶرگەنٸن ايتتى. تۋىستارى "مارقۇم كٶپٸردەن ٶزٸ قۇلاپ ٶلدٸ" دەگەنگە سەنبەيدٸ.
سول تٷنٸ اناسىنان حابار الا الماعان سوڭ, جاقىندارى ونى جابىلىپ ٸزدەي باستاعان. "مەيٸتتٸ انىقتاۋعا كەلٸڭٸزدەر" دەگەن قارالى حابار تٷسكەن. ول اۋىل اراسىن جالعايتىن قاۋٸپتٸ ٶتكەلدەن قۇلاپ كەتۋٸ مٷمكٸن دەگەن دە بولجام بار.
"كٶپٸردەن قۇلاپ كەتۋٸ مٷمكٸن بە? كٶز جەتكٸزۋ ٷشٸن كٶپٸرگە كەلدٸم. ٷيگە باراتىن جالعىز جول وسى كٶپٸر ارقىلى ٶتەدٸ. بٸراق مۇندا كەلگەندە قاننىڭ ٸزٸن كٶردٸم, ونىڭ قان ەكەنٸ انىق كٶرٸنٸپ تۇر", – دەدٸ مارقۇمنىڭ ٸنٸسٸ ازامات اسۋباەۆ.
كۋەگەرلەر كازا تاپقان كەلٸنشەكتٸ سوڭعى رەت دٷكەننەن كٶرگەن. كەرەك-جاراعىن ساتىپ الىپ, سىرتقا شىققان سوڭ كامەرا كٶزٸنەن تاسا بولعان. ال دٷكەن مەن كٶپٸر اراسىنداعى قاراڭعى كٶشەدە نە جاعداي بولعانى ەزٸرگە بەيمەلٸم.
"ناقتى قاي ۋاقىتتا ەكەنٸن ايتا المايمىن. شاي ساتىپ الدى", – دەدٸ دٷكەن ساتۋشىسى ەلييا سۋلپاكوۆا
كٶز جۇمعان كەلٸنشەكتٸڭ اعايىندارى اجالدىڭ ايتىپ كەلمەيتٸنٸن تٷسٸنسە دە "مەزگٸلسٸز قازاعا بەزبٸرەۋلەردٸڭ قاتىسى بولۋى مٷمكٸن" دەگەن پٸكٸر ايتتى. ولار تالعار اۋدانى پوليتسيياسى تەرگەۋدٸ ەدٸل جٷرگٸزسە دەگەن تالابىن جەتكٸزدٸ. ٶز كەزەگەندە اۋداندىق قۇزىرلى ورگان قىزمەتكەرلەرٸ تيٸستٸ ساراپتامانىڭ تاعايىندالعانىن العا تارتىپ وتىر.
"27 مامىردا تالعار ٶزەنٸنەن بٸر ەيەل ادامنىڭ مەيٸتٸ تابىلعان. سوت-مەديتسينالىق ساراپتاما نەتيجەسٸ الىنعان سوڭ, پروتسەسسۋالدىق شەشٸم قابىلدايمىز. وسى فاكت بويىنشا كۋەگەرلەر بولعان. بٸرگە بولعان ادامدارمەن تالعار اۋدانى پوليتسييا باسقارماسىنا جەتكٸزٸلدٸ. تەرگەۋ امالدارى جٷرگٸزٸلٸپ جاتىر", – دەدٸ تالعار اۋدانى پوليتسييا باسقارماسىنىڭ باستىعى رٷستەم جارىقباسوۆ.
ايتا كەتەيٸك, بٸر اي بۇرىن عانا وسى قاۋٸپتٸ ٶتكەلگە قاتىستى جۇرت شاعىم ايتىپ, تالاپقا ساي كٶپٸر سالسىن دەپ ٶتٸنٸش بٸلدٸرگەن. جارىقسىز, جولسىز بولعان سوڭ تالاي ادام سۋعا كەتتٸ دەپ تە دابىل قاققان. الايدا بۇل مەسەلەنٸ جەرگٸلٸكتٸ بيلٸك ەلٸ نازارعا الماعان. ال وسى ماڭنان تابىلعان مەيٸتكە قاتىستى ناقتى شەشٸم تەك مەديتسينالىق ساراپتامادان سوڭ بەلگٸلٸ بولماق.
