تايلاند پرەمەر-مينيسترٸ ەرٸ ٸشكٸ ٸستەر مينيسترٸ انۋتين چانۆيراكۋن ەل زاڭدارىن بۇزاتىن شەتەلدٸكتەردٸ ەلدەن كەتۋگە شاقىردى, دەپ حابارلايدى ult.kz.
پرەمەر شەتەلدٸكتەردٸڭ دٸني نىساندار مەن جەكە زيراتتار سالۋىنا قاتىستى دا پٸكٸر بٸلدٸردٸ. بۇعان جەكە زيرات سالۋعا بەرٸلگەن ٶتٸنٸش سەبەپ بولعان.
«جاقىندا جەكە زيرات سالۋعا ٶتٸنٸش تٷسكەنٸن بٸلدٸم. بۇل شەكتەن شىعۋ. بٸز سٸزدەردٸڭ ەلگە كەلۋلەرٸڭٸزگە رۇقسات بەرگەنٸمٸزگە ريزاشىلىق بٸلدٸرۋلەرٸڭٸز كەرەك», – دەدٸ چانۆيراكۋن.
ونىڭ ايتۋىنشا, مۇنداي باستامالار تايلاند زاڭناماسىنا ساي بولۋى جەنە جەرگٸلٸكتٸ قوعام مەن مەدەنيەتتٸڭ ەرەكشەلٸكتەرٸ ەسكەرٸلۋٸ كەرەك.
«ەگەر ٶلگٸڭٸز كەلسە, ٶز ەلٸڭٸزگە بارىپ ٶلٸڭٸز. بۇل جەردە ٶلۋدٸڭ قاجەتٸ جوق», – دەدٸ پرەمەر.
ول سونداي-اق شەتەلدٸكتەردٸڭ مەيرامحانا اشۋعا رۇقسات الىپ, كەيٸن عيماراتتى دٸني رەسٸمدەر ٶتكٸزۋ ٷشٸن پايدالانۋىن جول بەرٸلمەيتٸن جاعداي دەپ اتادى.
چانۆيراكۋن تايلاند شەتەلدٸك تۋريستەر مەن ينۆەستورلار ٷشٸن اشىق ەكەنٸن, الايدا بۇل ولاردىڭ جەرگٸلٸكتٸ زاڭداردى بۇزۋىنا قۇقىق بەرمەيتٸنٸن اتاپ ٶتتٸ. ونىڭ سٶزٸنشە, مەسەلە ازييا, تاياۋ شىعىس, ەۋروپا جەنە افريكا ەلدەرٸنٸڭ ازاماتتارىنا قاتىستى.
پرەمەر جاڭا دەپورتاتسييا ەرەجەلەرٸ زاڭ بۇزعان شەتەلدٸكتەردٸ ەلدەن جەدەل شىعارۋعا مٷمكٸندٸك بەرەتٸنٸن ايتتى. ول گۋبەرناتورلارعا ەۋە بيلەتٸن كٸم تٶلەيتٸنٸنە بايلانىستى شەشٸمدٸ كەيٸنگە قالدىرماۋدى تاپسىرعان. شەتەلدٸكتەردٸ ەلدەن شىعارۋ شىعىنىن مەملەكەت ٶتەيدٸ.
جاڭا دەپورتاتسييا ەرەجەلەرٸ 28 تامىزدا كٷشٸنە ەنگەن.
ايتا كەتەيٸك, بۇعان دەيٸن تايلاندتا رەسەيلٸك تۋريستەرگە شابۋىل جاسادى دەگەن كٷدٸكپەن بٸرنەشە جاسٶسپٸرٸم ۇستالعان. 14 قىركٷيەكتە پاتتاييانىڭ بەدەلدٸ اۋدانىندا رەسەيلٸك تۋريستٸ ۇرىپ, توناعان. كەلەسٸ كٷنٸ تاعى بٸر رەسەيلٸك تۋريست قارۋ قولدانامىن دەگەن قورقىتۋ ارقىلى اقشاسى مەن باعالى زاتتارىن بەرۋگە مەجبٷر بولعان.
