ساران قالاسىنىڭ بۇرىنعى ەكٸمٸ, ال قازٸرگٸ كەزدە ەنەرگەتيكا ۆيتسە-مينيسترٸ اناتوليي شكارۋپا 2015 جىلى 215 ملن تەڭگەنٸ جىمقىرۋ كٷدٸگٸنە ٸلٸكتٸ. بۇل تۋرالى قر باس پروكۋرورى قايرات قوجامجاروۆ مەلٸم ەتتٸ, دەپ حابارلايدى قازاقپارات.
«زاڭ تاراپىنان جاقىندا ەنەرگەتيكا ۆيتسە-مينيسترٸ قىزمەتٸنە تاعايىندالعان شكارۋپاعا قاتىستى شاعىم بار. وسىعان دەيٸن ساران قالاسى ەكٸمٸ لاۋازىمىندا بولعان. ول 2015 جىلى قاراعاندى وبلىسى ساراندا جىلۋدى ەسەپتەۋ قۇرىلعىلارىن ورناتۋعا بٶلٸنگەن 215 ملن تەڭگەنٸ جىمقىرۋعا قاتىسى بار دەگەن كٷدٸككە ٸلٸكتٸ. ەسەپتەۋٸش قۇرالدار بوس قابىرعالارعا ورناتىلعان. اتالعان فاكتٸ بويىنشا بٸز قىلمىستىق ٸستٸ تەرگەۋگە كٸرٸستٸك», - دەدٸ ق. قوجامجاروۆ اقوردادا ٶتكەن قاۋٸپسٸزدٸك كەڭەسٸ وتىرىسىندا.
ەستەرٸڭٸزگە سالا كەتەيٸك,اناتوليي شكارۋپا بيىلعى 9 قازاندا قر ەنەرگەتيكا ۆيتسە-مينيسترٸ لاۋازىمىنا تاعايىندالعان بولاتىن.
بۇدان بۇرىن حابارلانعانداي, قاۋٸپسٸزدٸك كەڭەسٸنٸڭ وتىرىسىندا مەملەكەت باسشىسى نۇرسۇلتان نازارباەۆ تاريفتەردٸ زاڭسىز كٶتەرگەن مونوپوليستەردٸ جازالاۋدى تالاپ ەتتٸ
