Saran qalasynyń burynǵy ákimi, al qazirgi kezde Energetika vitse-ministri Anatolii Shkarýpa 2015 jyly 215 mln teńgeni jymqyrý kúdigine ilikti. Bul týraly QR Bas prokýrory Qairat Qojamjarov málim etti, dep habarlaidy QazAqparat.
«Zań tarapynan jaqynda Energetika vitse-ministri qyzmetine taǵaiyndalǵan Shkarýpaǵa qatysty shaǵym bar. Osyǵan deiin Saran qalasy ákimi laýazymynda bolǵan. Ol 2015 jyly Qaraǵandy oblysy Saranda jylýdy esepteý qurylǵylaryn ornatýǵa bólingen 215 mln teńgeni jymqyrýǵa qatysy bar degen kúdikke ilikti. Esepteýish quraldar bos qabyrǵalarǵa ornatylǵan. Atalǵan fakti boiynsha biz qylmystyq isti tergeýge kiristik», - dedi Q. Qojamjarov Aqordada ótken Qaýipsizdik keńesi otyrysynda.
Esterińizge sala keteiik,Anatolii Shkarýpa biylǵy 9 qazanda QR Energetika vitse-ministri laýazymyna taǵaiyndalǵan bolatyn.
Budan buryn habarlanǵandai, Qaýipsizdik keńesiniń otyrysynda Memleket basshysy Nursultan Nazarbaev tarifterdi zańsyz kótergen monopolisterdi jazalaýdy talap etti
