بٷگٸن ٷكٸمەت وتىرىسىندا قارجى مينيسترٸ باقىت سۇلتانوۆ بٸلٸم جەنە عىلىم مينيسترلٸگٸنٸڭ تىڭ جوبالارىن مەملەكەت بيۋدجەتٸ ەسەبٸنەن قارجىلاندىرۋ قيىنعا سوعاتىندىعىن مەلٸمدەدٸ, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
«قولدانىستاعى اقپاراتتىق جٷيەلەردٸ بٸر رەتكە كەلتٸرۋ قاجەت. بٸز ونى قۇپتايمىز. رەسپۋبليكالىق بيۋدجەت كوميسسيياسىندا بٸلٸم جەنە عىلىم مينيسترلٸگٸنٸڭ بيۋدجەتٸ تالقىلانعان بولاتىن. 61 ملن تەڭگە وسىنداي تەحنيكالىق جەنە ەكونوميكالىق قۇجاتتامانى ەزٸرلەۋ ٷشٸن قاجەت بولدى. قر ۇلتتىق ەكونوميكا مينيسترلٸگٸندە وسى باعدارلامانى جٷزەگە اسىرۋعا تيٸستٸ قاراجات بار. قارجىنى تەزٸرەك بٶلۋ قاجەت», - دەدٸ ول.
الايدا باقىت سۇلتانوۆ بٸلٸم مينيسترلٸگٸنٸڭ قولعا العان جاڭا باستامالارىن الداعى ۋاقىتتا مەملەكەت بيۋدجەتٸ ەسەبٸنەن قارجىلاندىرۋ قيىنعا سوعاتىنىن العا تارتتى.
«دەگەنمەن ايتا كەتەتٸن بٸر مەسەلە بار. بٸراز باستاما كٶتەرٸلٸپ جاتىر. مىسالى, مەكتەپتەردە بالالار ٷشٸن جەكە شكافتار قويۋ, سۋمەن جابدىقتاۋ جەنە اقپاراتتىق جٷيەنٸ بٸر رەتكە كەلتٸرۋ. باستامالاردىڭ ەرقايسىسىن قارجىلاندىرا بەرسەك, بۇل قىمباتقا سوعادى. مەسەلەن, الدىڭعى جٷيەگە 36 ملرد تەڭگە بٶلٸنگەن بولاتىن. سول سەبەپتٸ بولاشاقتا جاڭا تەسٸلدەرگە كٶشۋٸمٸز كەرەك», - دەدٸ ۆەدومستۆو باسشىسى.
مينيستردٸڭ ايتۋىنشا, بۇل باعدارلامالاردى قارجىلاندىرۋ ٷشٸن جاڭا تەسٸلدەر قاجەت.
«الداعى ۋاقىتتا جان باسىنا شاققانداعى قارجىلاندىرۋ تۋرالى ويلانۋ كەرەك. ەلباسى مۇنى بيىلعى جولداۋىندا ايتقان بولاتىن. بۇل مەملەكەتتٸك-جەكەمەنشٸك ەرٸپتەستٸككە كٶشۋگە نەگٸز بولادى. سوندا وسىنداي پرينتسيپتەردٸ, تالاپتاردى بٸر جٷيەگە كەلتٸرەمٸز. وسى قارجىلاندىرۋ ەدٸسٸ ۇتىمدى جۇمىس ٸستەيتٸن بولسا, مەملەكەتتٸك-جەكەمەنشٸك ەرٸپتەستٸكتٸڭ تيٸمدٸلٸگٸ ارتا تٷسەدٸ», - دەپ تٷيٸندەدٸ سٶزٸن باقىت سۇلتانوۆ.
